Monday, 30 01 2023
Արևմուտքի ճնշումը բավարար չէ, որ մենք առանց Բաքվի հետ խոսելու լուծենք մեր հարցերը
18:57
ԱՄՆ-ի «միջուկային հովանոցը» դաշնակիցներին անհրաժեշտ է ՌԴ-ի, Չինաստանի և Հյուսիսային Կորեայի միջուկային սպառնալիքի պատճառով. Ստոլտենբերգ
Որոշ պետություններ փորձում են հոշոտել Իրանը. չեմ կարծում` սա կվերածվի ռեգիոնալ պատերազմի
Դատախազությունը պահանջում է բռնագանձել Տավուշի նախկին մարզպետի 11 անշարժ գույքը և 390 մլն դրամ
Թուրքիայում ԱՄՆ դեսպանատունը զգուշացրել է Ստամբուլի կենտրոնում հնարավոր ահաբեկչությունների վտանգի մասին
Վարչապետը հանդիպել է արտախորհրդարանական քաղաքական ուժերի ղեկավարներին
18:40
«ԱՄՆ-ն ուկրաինական ճգնաժամի գլխավոր նախաձեռնողն է»․ Չինաստանի ԱԳՆ. «ՌԻԱ»
«3+3»-ն ու Հայաստանի և Արցախի անվտանգության բարդ մաթեմատիկան
ՀՀ սահմանադրական դատարանի նախագահը հանդիպել է ՄԻԵԴ նախագահ Շիոֆրա Օ՛Լիրիի հետ
«Meta Platforms» ընկերությունը ընդգրկվել է Հայաստանի 1000 խոշոր հարկատուների ցանկում
Լոռու մարզի դատախազ է նշանակվել Արմեն Շահբազյանը
18:24
Մակրոնը 2024-2030 թվականներին առաջարկել է ռազմական ծախսերի մեծ աճ
Հայաստանի ներկայացուցիչները մասնակցել են «Երբ արևելքը հանդիպում է արևմուտքին» կինոարտադրության հարթակին
Հայաստանը ռեգիոնալ մեծ բախման դեպքում չի կարող զերծ մնալ․ Սյունիքը՝ բախման էպիկենտրոններին կից
18:10
ԵՄ-ում անիրատեսական են համարում 2 տարում միությանն անդամակցելու Կիևի ծրագիրը
18:08
Աշխարհի առաջատար ֆոնդային բորսաների ցուցանիշները – Հունվար 31 ,2023
«Ողջունում ենք Ադրբեջանի ակտիվ մասնակցությունը ԵԱՏՄ գործընթացներին». ՌԴ ԱԳՆ
Ինչ ազդեցություն է ունեցել Ուկրաինայում ՌԴ-ի պատերազմն Ադրբեջանի տնտեսության վրա
18:00
Ուկրաինան ցանկանում է ԵՄ-ին միանալ առաջիկա 2 տարում
Ռուսաստանը չի հրաժարվել Եվրոպայի հետ անվտանգության շուրջ երկխոսությունից. ՌԴ ԱԳՆ
Թուրքիայի արտգործնախարարը ԵՄ-ին անդամակցելը ռազմավարական նպատակ է անվանել
ՈՒղիղ․ Հաագայի դատարանում լսումներ են ընթանում Լաչինի միջանցքի շրջափակման հարցով
Լենա Նանուշյանը Մալթայի դեսպանի հետ քննարկել է մասնագետների փորձի փոխանակման ու ներդրման ծրագրեր
Ծեծկռտուք գիշերային ակումբում. 4 երիտասարդ և 1 կին տեղափոխվել են ոստիկանություն
17:30
Ռուսական ուժերը հակահարձակման են անցել Լիմանի ուղղությամբ
17:27
Իրանում երկրաշարժի հետևանքով տուժածների թիվը հասել է 1167-ի
17:24
Մահացել է Գելաթի վանքի վանահայրը
17:20
Ուկրաինան ԱՄՆ տանկերը կստանա մոտ 1 տարի հետո
Երուսաղեմում ոստիկանները պետք է այսօր հանդիպեն Հայոց պատրիարքին. իրավիճակն այս պահին լարված է
Գնել Սանոսյանը Շիրակի մարզպետարանի աշխատակազմին է ներկայացրել նորանշանակ մարզպետին

ՊՊԾ ինստիտուցիոնալ զարգացումը մեր կարևորագույն խնդիրներից է, որ առաջիկա 5 տարում պիտի լուծենք․ Փաշինյան

Վարչապետի պաշտոնակատար Նիկոլ Փաշինյանը ներկա է գտնվել Ազգային անվտանգության ծառայության Պետական պահպանության ծառայության կազմավորման օրվան նվիրված հանդիսավոր նիստին:

Նիկոլ Փաշինյանը շնորհավորել է Պետական պահպանության ծառայության ներկայացուցիչներին տոնական օրվա կապակցությամբ և նշել, որ ՊՊԾ-ն մեր երկրի կարևոր ինստիտուտներից մեկն է: «Հայաստանի պարագայում դա հատկապես ընդգծվում է, որովհետև ցավոք մեր երկրում տեղի են ունեցել այնպիսի իրադարձություններ, ինչպիսին 1999 թվականի հոկտեմբերի 27-ն է: Նաև վերջին ամիսներին Պետական պահպանության ծառայության կարևորությունը ընդգծվեց: Ուզում եմ շնորհակալություն հայտնել այս ընթացքում և հատկապես վերջին ամիսներին Պետական պահպանության ծառայության կատարած աշխատանքի համար:

Պետության և պետական ինստիտուտների անվտանգության ապահովումը մեր կարևորագույն խնդիրներից է, որովհետև մեր իրականությունն ու ընկալումն այնպիսինն է, որ միայն Հայաստանի Հանրապետությունը, միայն պետականությունն է, որ կարող է ապահովել հայ ժողովրդի զարգացումը, անվտանգությունը և հարատևությունը: Իհարկե, վերջին տարիներին մենք շատ լուրջ մարտահրավերների ենք առերեսվել, նաև այդ մարտահրավերները երբեմն թվացել են անհաղթահարելի, բայց ուզում եմ ընդգծել, որ մեր համատեղ աշխատանքի արդյունքում այսօր ունենք բոլորովին այլ իրադրություն: Մեր երկրի պատմության մեջ բոլորովին նոր փուլ է բացվել և աղետաբեր պատերազմից, բախումների ճգնաժամերից հետո ի վերջո կարող ենք խոսել ապագայի նկատմամբ մեր լավատեսությունը փշուր-փշուր վերականգնելու մասին: Այս իրադրության ստեղծման գործում Պետական պահպանության ծառայության դերը հնարավոր չէ գերագնահատել և դա, կարծում եմ, տեսանելի է բոլորին»,- նշել է Նիկոլ Փաշինյանը:

Վարչապետի պաշտոնակատարի խոսքով՝ այս ընթացքում տեսանք, թե ինչ խնդիրներ և բացեր կան Պետական պահպանության ծառայության աշխատանքում և որտեղ ու ինչպես պետք է լուծել այդ խնդիրները: «Մի բան ակնհայտ է, որ Պետական պահպանության ծառայության հետագա ինստիտուցիոնալ զարգացումը մեր կարևորագույն խնդիրներից մեկն է, որ մենք առաջիկա 5 տարվա ընթացքում պիտի լուծենք:

Այս պահին համոզված եմ մի բանում, որը շատ կարևոր արձանագրում է. այսօր Պետական պահպանության ծառայության և նրա ստորաբաժանումների ղեկավարությունը կոմպետենտ է, իրավասու է կատարել իր առջև դրված խնդիրները: Եվ մենք միասին պետք է մեր առաջ դրված խնդիրը լուծենք. այն է՝ ապահովենք Պետական պահպանության ծառայության ինստիտուցիոնալ զարգացումը: Այն ինչպես եղել, այնպես էլ շարունակելու է լինել մեր երկրի անվտանգության ապահովման կարևոր հենասյուներից մեկը»,- ասել է Նիկոլ Փաշինյանը:

Վարչապետի պաշտոնակատարն ընդգծել է, որ իր, ԱԱԾ տնօրեն Արմեն Աբազյանի, երկրի քաղաքական ղեկավարության կողմից ՊՊԾ ծառայությունը գնահատվում է բարձր: «Ցավոք, մենք ունեցել ենք անցանկալի դրսևորումներ Պետական պահպանության ծառայության գործունեության ոլորտում: Բայց կրկին ուզում եմ ընդգծել, որ դրա առանցքային պատճառներից մեկն այն էր, որ Պետական պահպանության ծառայության անձնակազմի մեծ մասը նոյեմբերի դրությամբ գտնվում էր Հայրենիքի սահմանների պաշտպանության դիրքերում: Եվ սա շատ կարևոր առանձնահատկություն է, որովհետև սա, նաև պիտի ընդգծեմ ցույց տալու համար, որ այն դժվար օրերին, պատերազմի օրերին հանրապետության քաղաքական ղեկավարության առաջնահերթությունը ոչ այնքան սեփական կամ շենք-շինությունների անվտանգության ապահովումն էր, որքան Հայրենիքի տարածքային ամբողջականության ապահովումը: Եվ այդ մոտեցումն է եղել պատճառը, որ նոյեմբերի 9-ին ոչ միայն Պետական պահպանության ծառայության, այլև գործնականում մեր իրավապահ համակարգի մեծ մասը գտնվել է սահմանին, առաջնագծում: Բայց, միևնույն է, այնուամենյանիվ, ես շատ ուրախ եմ և հպարտ եմ արձանագրել, որ մենք իրար հետ միասին, քայլ-քայլ, հետևողական և վճռական գործողությունների շնորհիվ կարողացել ենք վերականգնել կայունությունը Հայաստանի Հանրապետությունում, ապահովել մեր երկրի ներքին անվտանգությունը և կենտրոնանալ մեր երկրի արտաքին անվտանգության ապահովման խնդիրների վրա: Եվ այս ուղղությամբ մենք, իհարկե, պետք է առավել ակտիվ և արդյունավետ դարձնենք մեր աշխատանքը»,- ասել է Նիկոլ Փաշինյանը:

Վարչապետի պաշտոնակատարը շնորհակալություն է հայտնել ներկաներին ծառայության համար և մաղթել հաջողություններ: «Մաղթում եմ, որպեսզի մեր մարտահրավերները գնալով ոչ թե ահագնանան, այլ մեղմվեն: Բայց ամեն դեպքում մենք և առաջին հերթին՝ Պետական պահպանության ծառայությունը, Ազգային անվտանգության ծառայությունը, պիտի պատրաստ լինեն կառավարել, կանխել ցանկացած մարտահրավեր, և դա առավել կարևոր ընդգծում է, քան հետագայում այդ մարտահրավերների հետևանքների դեմ պայքարելը: Շնորհավորում եմ բոլորիս և մաղթում եմ արդյունավետ, ապահով և անվտանգ ծառայություն»,- նշել է Նիկոլ Փաշինյանը:

Պետական պահպանության ծառայության ներկայացուցիչներին տոնական օրվա առթիվ շնորհավորել են նաև ԱԱԾ տնօրեն Արմեն Աբազյանը և Պետական պահպանության ծառայության պետ Սարգիս Հովհաննիսյանը:

Ծառայողական պարտականությունները կատարելիս ցուցաբերած նվիրումի համար ՀՀ ԱԱԾ պետական պահպանության ծառայության մի խումբ աշխատակիցներ վարչապետի պաշտոնակատար Նիկոլ Փաշինյանի կողմից պարգևատրվել են Մարտական ծառայության մեդալով, Վարչապետի հուշամեդալով և խրախուսվել Վարչապետի շնորհակալագրով:

Բաժիններ
Ուղիղ
Լրահոս
Որոնում