Վրաստանի խորհրդարանի երկու ընդդիմադիր խմբակցություններ հուշագիր են ստորագրել ՆԱՏՕ-ին երկրի անդամակցության մասին: Փաստաթղթին միացել են «Լելո-Գործընկերություն Վրաստանի համար» և «Շառլ Միշելի բարեփոխումների խումբ» խմբակցությունները:
Հայտարարությունում խոսվում է ՆԱՏՕ-ին անդամակցելու Վրաստանի և Ուկրաինայի ձգտման մասին, ինչպես նաև շեշտվում է միջազգային խորհրդարանական պլատֆորմի ստեղծման անհրաժեշտությունը` համատեղ ջանքերը կենտրոնացնելու եվրաատլանտյան ինտեգրման վրա:
«Վրաստանը և Ուկրաինան ՆԱՏՕ-ին անդամակցելը նշանակել են որպես ազգային անվտանգության և ժողովրդավարության ամրապնդման հիմք: Երկու երկրների եվրաատլանտյան նկրտումներն արտացոլված են պետությունների Սահմանադրություններում: Երկու երկրներն էլ ստացան 2008-ի Բուխարեստի հռչակագրում խոստումը, որ կդառնան ՆԱՏՕ-ի անդամ: Մենք հաստատ համոզված ենք, որ ՆԱՏՕ-ին Վրաստանի և Ուկրաինայի անդամակցությունը կարևոր է Սևծովյան տարածաշրջանում դաշնակիցների անվտանգության համար»:
Հուշագիրը բաց է նաև այլ քաղաքական կուսակցությունների ստորագրման համար: