Հունիսի 30-ին Երևանում դանակահարվել է ՀՀ ՔԿ Երևան քաղաքի քննչական վարչության պետի տեղակալ Նարեկ Շահինյանը։ ՀՀ ոստիկանության Հասարակայնության հետ կապերի և լրատվության վարչությունից «Փաստինֆո»-ի հարցին ի պատասխան հաստատեցին, որ Կենտրոն վարչական շրջանում դանակահարության դեպք երեկ արձանագրվել է։
«Հունիսի 30-ին ժամը՝ 01։45-ին հիվանդանոցից հաղորդում է ստացվել, որ «ձախ գոտկային շրջանի կտրած-ծակած վերք» ախտորոշմամբ իրենց մոտ բուժօգնության է տեղափոխվել քաղաքացի: Նշանակվել է դատաբժշկական փորձաքննություն»,- հայտնեցին ոստիկանությունից՝ հավելելով, որ նյութեր են նախապատրաստվում։
Նշենք, որ Նարեկ Շահինյանը ՀՔԾ նախկին պետ Վահրամ Շահինյանի որդին է։
Լուսանկարում՝ Վահրամ Շահինյանն է։