Սաստիկ շոգ եղանակն ամերիկյան Օրեգոն նահանգում դարձել է առնվազն 63 մարդու մահվան պատճառ։ Այս մասին հայտնում է տեղի The Oregonian պարբեականը՝ հղում անելով նահանգի գլխավոր դատափորձագետին։
Միայն Մալթնոմ շրջանում, որի կազմի մեջ է մտնում նահանգի խոշորագույն քաղաք Փորթլենդը, 44-97 տարեկան 45 մարդ է մահացել։ Նրանց մահվան պատճառ է դարձել հիպերթերմիան (գերջերմություն)։ 2017-19 թթ ողջ նահանգում շոգը 12 մարդու կյանք է խլել։
Ինչպես ավելի վաղ հայտնել էինք, հունիսի 29-ին կանադական Վանկուվերում անոմալ շոգի զոհն է դարձել մոտ 100 մարդ։
