Sunday, 22 05 2022
23:45
Զելենսկին լեհական քաղաքին շնորհել է «փրկիչ քաղաք» կոչում
Արցախի նախագահը ներկա է գտնվել Ստեփանակերտի մանկապատանեկան ստեղծագործական կենտրոնի սաների հաշվետու համերգին
Երեք հազար բնակարանների և առանձնատների կառուցումը սկսված է․ Արցախի նախագահ
Մեր առաջարկն է Հայաստանը դարձնել տեխնոլոգիական կենտրոն. Վահան Քերոբյան
Կրկեսի վերածված խորհրդարանական ընդդիմություն․ Արփի Դավոյան
ՆԱՍԱ-ն օգոստոսին Լուսին կուղարկի «Օրիոն» անօդաչու տիեզերանավը
Թբիլիսիի հասարակական տրանսպորտում տեղի ունեցած սպանության գործով մեղադրանք է առաջադրվել մեկ անձի
Թբիլիսիում, հասարակական տրանսպորտում՝ երեխաների ներկայությամբ տղամարդը սպանել է կնոջը
Վահագն Խաչատուրյանը հանդիպել է Շվեյցարիայի հայ համայնքի ներկայացուցիչների հետ
ՔՊ-ի՝ Ավան վարչական շրջանի նորաբաց գրասենյակում այսօր հանդիպում ունեցանք մեր համակիրների հետ. Թորոսյան
Սփյուռքի կազմակերպությունները ճգնաժամի մեջ են․ չկա ապագայի տեսլական
Բրյուսելում տեղի է ունենում Փաշինյան-Միշել-Ալիև եռակողմ հանդիպումը
ԱՄՆ դեսպանի ձևակերպումը թույլ չի տալիս ասել, որ նա բացառապես հայ բնակչությանը նկատի ուներ
Թուրքիայի ԱԳՆ-ն հետ է կանչել ԱՄՆ-ում իր դեսպանին՝ դեսպանատան հայտարարության պատճառով
Գիտության ոլորտում կտոր-կտոր ավելացումները իմպոտենտ մոտեցում է
Նիկոլ Փաշինյանը Շառլ Միշելին ներկայացրել է ԼՂ շուրջ ստեղծված իրավիճակը
Արցախի սուբյեկտությունն ու խորհրդարանական լռությունը
Զինհաշմանդամներին օգնող «Մետագեյթ»-ը կանխում է անշարժության հետևանքով առաջացող 30-ից ավելի հիվանդություն
Հաշմանդամություն ստացած զինվորների մասնագիտական ներուժի բացահայտման ծրագիրը մեկնարկել է. խումբը Դիլիջանում է
Լուկաշենկոն ժամանել է Սոչի՝ Պուտինի հետ հանդիպման համար
Հայաստանի ու Արցախի առջև ծառացած երկարաժամկետ մարտահրավերները կարելի է հաղթահարել միայն բոլոր կարող ուժերի համախմբվածությամբ․ Հարությունյան
Նիկոլ Փաշինյանը առանձնազրույց է ունեցել Շառլ Միշելի հետ
Անհայտ ծագումնաբանության սուր, ծանր հեպատիտների դեպքերն երեխաների շրջանում շարունակվում են. Արմեն Մուրադյան
Լարս ավտոճանապարհը բաց է բոլոր տեսակի տրանսպորտային միջոցների համար
19:00
Սերբիան պատժամիջոցներ չի սահմանի Ռուսաստանի դեմ, քանի դեռ կարող է. Վուչիչ
Երևանի քաղաքապետն այցելել է համայնքային թանգարաններ
18:30
Եվրախորհրդարանը կոչ է արել նավթի էմբարգո սահմանել Ռուսաստանի դեմ՝ առանց Հունգարիայի մասնակցության
18:15
Ավստրիայում հոսպիտալացվել է կապկի ծաղկի կասկածանքով առաջին հիվանդը
Ողբերգական կորուստները ոչ ևս անելու հնարավորություն կա
Փրկարարները որոնում են Մարտակերտի շրջանի Քոլատակ համայնքի տարածքում անհետացած քաղաքացուն

Ինչ է կատարվում ԵՊՀ-ում. Բուհը 6 ամիս ժամանակ ունի հոգաբարձուների խորհուրդ ձևավորելու համար. եթե ոչ՝ կլուծարվի

Երևանի պետական համալսարանի շուրջ նոր զարգացումներ են տեղի ունենում. ԵՊՀ-ն այս պահին հոգաբարձուների ժամանակավոր խորհրդի ստեղծման փուլում է։

Բանն այն է, որ ԵՊՀ հոգաբարձուների խորհրդի կեսից ավելին հրաժարական է տվել, իսկ «Հիմնադրամների մասին» օրենքի համաձայն` եթե հոգաբարձուների խորհրդի անդամների լիազորությունների դադարեցման դեպքում 2 ամսվա ընթացքում խորհրդի անդամների կեսից ավելին չի նշանակվում, ապա արդարադատության նախարարը նշանակում է 3 անդամից կազմված ժամանակավոր խորհուրդ:

Բացի այդ, օրերս ՍԴ-ն ՄԻՊ-ի դիմումով կասեցրել է 3 բուհերի հոգաբարձուների խորհուրդների կազմի փոփոխություններին վերաբերող` կառավարության որոշման գործողությունը։

Հիշեցնենք, որ կառավարության որոշմամբ երեք բուհերի՝ ԵՊՀ-ի, Պետական մանկավարժական համալսարանի և Շիրակի պետական համալսարանի հոգաբարձուների խորհուրդների անդամների թիվը պետք է լինի 20-ը, որի 55 տոկոսը, այսինքն 11 հոգին, լիազոր մարմնի ներկայացուցիչներ են։
ԵՊՀ մամուլի խոսնակ Գևորգ Էմին-Տերյանի խոսքով, հոգաբարձուների ժամանակավոր խորհուրդը կարող է ռեկտոր նշանակել, իսկ այս դեպքում, ըստ նրա, վտանգ կա, որ բուհի ինքնավարության վերաբերյալ սահմանադրական պահանջը կարող է խախտվել։

Նշենք նաև, որ «Հիմնադրամների մասին» օրենքի 23-րդ հոդվածի համաձայն` եթե ժամանակավոր խորհուրդ նշանակելուց հետո վեցամսյա ժամկետում հոգաբարձուների խորհրդի անդամների կեսից ավելին չի նշանակվում, ապա ժամանակավոր խորհուրդը հիմնադրամը լուծարելու համար պարտավոր է դիմել դատարան: Այսպիսով` եթե 6 ամսվա ընթացքում ԵՊՀ–ի հոգաբարձուների խորհրդի կազմը չհաստատվի, բուհը կլուծարվի։ Այս թեմայի շուրջ «Առաջին լրատվական»-ը զրուցել է ԱԺ «Իմ քայլը» խմբակցության պատգամավոր Հովհաննես Հովհաննիսյանի հետ, ով նշեց, որ այո, ըստ «Հիմնադրամների մասին» գործող օրենքի եթե Հոգաբարձուների խորհրդի անդամների կեսից ավելին չկան, ապա արդարադատության նախարարը նշանակում է երեք հոգուց բաղկացած խորհուրդ, որն ունենում է նույն լիազորությունները, ինչ հոգաբարձուների խորհուրդը և 6-ամսյա ժամկետում պետք է ձևավորի նոր հոգաբարձուների խորհուրդ:

«Հարցը պետք է լուծվի «Բարձրագույն կրթության և գիտության մասին» օրենքով սահմանված կարգով, բայց քանի որ օրենքը հիմա գտնվում է Սահմանադրական դատարանում, գործընթացները գնում են ըստ գործող օրենքների, մասնավորապես, «Հիմնադրամների մասին» օրենքի»,-ասաց նա:

Հարցին, թե եթե ՍԴ-ն «Բարձրագույն կրթության և գիտության մասին» օրենքի հարցը լուծի հօգուտ բողոքարկողների, ի՞նչ խնդրի առջև ենք կանգնելու, պատգամավորը պատասխանեց. «Կոնկրետ այս պահին այդպես մեծ խնդիրներ չեմ տեսնում: ՀՀ նախագահն է դիմել ՍԴ՝ հոգաբարձուների խորհրդի կազմի և տարիքային շեմի հետ կապված հարցերով: Ես հիմա չեմ կարող գուշակել, թե ինչ որոշում կկայացնի ՍԴ-ն: Ինչ որոշում էլ կայացնի, շարունակությունը կբխի դրանից»:

Ինչ վերաբերում է մեղադրանքներին, թե «Բարձրագույն կրթության և գիտության մասին» օրենքը գրվել է հապճեպ, որի նպատակը ԵՊՀ-ի հարցը լուծելն էր, Հովհաննես Հովհաննիսյանն ասաց. «Չկա նման բան: Ես տեսա, որ նույնիսկ նախընտրական քարոզարշավի ժամանակ մեր ընդդիմախոսներից շատերը, որոնք տեղյակ էին օրենքի ստեղծման ընթացքին, նշում էին, որ 7 տարի շարունակ գրվում էր այդ օրենքը: Այնպես որ չի կարելի ասել՝ հապճեպ գործընթաց էր: Այն ուղղված էր համակարգային փոփոխություններին: Ըստ այդմ, այդ կարծիքները թյուր են»:

Հարցին, թե ընդհանրապես, ԵՊՀ-ի խնդիրը որքանով է քաղաքական, որովհետև այն ժամանակ ԵՊՀ ռեկտորին ամեն գնով հանելու գործընթաց կար, հիմա էլ փաստորեն ոչ ցանկալի կադրերից ազատվելու խնդիր է լուծվում, «Իմ քայլի» պատգամավորն արձագանքեց. «ԵՊՀ-ի խնդիրը քաղաքական է այնքանով, որքանով քաղաքականացնում են: Եթե նայենք, որ բոլոր այն մարդիկ, որոնք քննադատում էին կամ ասում էին՝ քաղաքականացնում եք,իրենք բոլորը այս կամ այն քաղաքական ուժի ցուցակներում են: Այդ իմաստով իրենք են ամենաքաղաքական մարդիկ և իրենք են քաղաքականացնում: ԵՊՀ-ն պետք է զերծ պահել քաղաքականացումից, ԵՊՀ-ն պետք է զբաղվի իր բուն գործառույթով, որը կրթության ապահովումն է»:

Նա համոզմունք հայտնեց, որ ԵՊՀ-ի խնդրի լուծմանն ուղղված գործընթացները թեև դանդաղել են, սակայն շուտով հանգուցալուծում կգտնեն:

Լուսանկարը՝ Armeniasputnik-ի

Բաժիններ
Ուղիղ
Լրահոս
Որոնում