Բոգոտայում մի խումբ ցուցարարներ հարձակվել են Կոլումբիայի տրանսպորտի նախարար Անխելա Մարիա Օրոսկոյի մեքենայի վրա՝ մայրաքաղաքային մետրոյի երկրորդ գծի բացումից հետո, «РИА Новости»-ին հայտնել են նախարարությունից։
«Թեպետ ես լավ եմ, ինձ համար ցավալի է տեսնել, որ ոմանք բողոքի ցույցերով արդարացնում են վանդալիզմը, շրջափակումներն ու ավերածությունները: Կառույցների վրա հարձակումը վնասում է ժողովրդավարությանը, այս տեսակի վանդալիզմը ազդում է բոլոր քաղաքացիների վրա … Ես կշարունակեմ աշխատել կոլումբիացիների և այս երկրի համար՝ պահելով իմ պարտավորությունը՝ կապել բոլոր քաղաքացիների կյանքերը»,- ասել է Օրոսկոն տրանսպորտի նախարարության կողմից տարածված հաղորդագրության մեջ:
Նախարարի մեքենայի վրա հարձակումը տեղի է ունեցել քաղաքային մետրոյի երկրորդ գծի բացումից հետո, որին մասնակցել են հանրապետության նախագահ Իվան Դուկեն և մայրաքաղաքի քաղաքապետ Կլաուդիա Լոպեսը: «Ֆոնտանար» պուրակի ելքի մոտ տարածքում գտնվող ցուցարարները քարեր են նետել մի խումբ մեքենաների վրա, որոնց մեջ Օրոսկոն էր: Միջադեպի հետևանքով տուժածներ չեն գրանցվել: