Տարածաշրջանում իրադարձությունների պակաս չկա, մինչ մենք զբաղված ենք բացառապես ներքաղաքական օրակարգով, մեր շուրջը բավականին ուշագրավ զարգացումներ, հանդիպումներ են տեղի ունենում, որոնք առնչվում են նաև մեր շահերին: Ռուսաստանի և Թուրքիայի արտգործնախարարները հանդիպելու են, քննարկումների շարքում բնականաբար լինելու է նաև Կովկասը, Արցախի պատերազմից հետո ստեղծված իրավիճակը: Ուշագրավ է, որ Լավրովը Չավուշoղլուի հետ հանդիպմանն ընդառաջ հայտարարել էր, որ Ռուսաստանը քննարկելու է Ուկրաինայի՝ ՆԱՏՕ անդամակցության հարցը: Հիշեցնենք, որ ավելի վաղ էրդողանը հանդիպել էր Միացյալ Նահանգների նախագահի հետ, ինչպես նաև այցելել էր Բաքու, ապա Շուշի, որտեղ Ալիևի հետ ստորագրել է Շուշիի հռչակագիրը: Հունիսի 24-ին էլ տեղի է ունեցել պուտին-էրդողան հեռախոսազրույցը: Ի՞նչ սպասել ռուս-թուրքական հերթական քննարկումից, ի՞նչ քաղաքական համատեքստում պետք է դիտարկենք այս հանդիպումը, ի՞նչ ազդեցություն այն կունենա կովկասյան իրողությունների վրա: Այս և տարածաշրջանային կարևորության մի շարք հարցեր «Առաջին Լրատվական»-ը քննարկել է ակադեմիկոս, թուրքագետ Ռուբեն Սաֆրաստյանի հետ:
«Հանդիպումը տեղի է ունենում Հարավային Կովկասում աշխարհաքաղաքական նոր իրադրության պայմաններում: Այդ նոր իրադրությունը պայմանավորված է այն հանգամանքով, որ Թուրքիան Արցախի պատերազմից հետո հետևողականորեն ուժեղացնում է իր ազդեցությունը մեր տարածաշրջանում, որի վառ արտահայտումն է այն փաստաթուղթը, որը ստորագրվեց Շուշիում: Այդ հռչակագիրը ֆիքսեց այն նոր իրողությունները, որոնք ստեղծվել են Հարավային Կովկասում»,-ասաց Սաֆրաստյանը:
Առավել մանրամասն՝ տեսանյութում: