Կանադայի Բրիտանական Կոլումբիա նահանգի տարբեր քաղաքներում վերջին 48 ժամում անոմալ շոգը կարող է լինել 100-ից ավելի մարդկանց մահվան պատճառ։ Այս մասին հայտնում է CBC հեռուստաալիքը՝ հղում անելով տեղի ոստիկանությանը։
Վերջին 2 օրում հանկարծամահության վերաբերյալ ավելի քան 100 զանգ է ստացվել Վանկուվեր, Բարնաբի և Սուրեյ քաղաքների ոստիկանական բաժանմունքներում։ Մահացածներից շատերը թոշակառուներ են։
Լիտոն քաղաքում գրանցվել է ջերմաստիճանային ռեկորդ՝ 49 աստիճան Ցելսիուս։ Անոմալ շոգը երկրի որոշ շրջաններում կպահպանվի մինչև շաբաթվա վերջ։