Կորոնավիրուսի դեմ Վրաստանի բնակչության զանգվածային պատվաստումը կսկսվի հուլիսին, որը կապված պատրաստուկների նոր չափաբաժին ստանալու հետ: Այդ մասին հայտարարել Է երկրի առողջապահության նախարար Եկատերինա Տիկարաձեն:
«Զանգվածային պատվաստումը հայտարարվել Է երրորդ եռամսյակում, այսինքն՝ հաջորդ ամսից մենք պատրաստ ենք ինչպես տարածաշրջանային մակարդակով, այնպես Էլ Թբիլիսիում սկսել զանգվածային պատվաստման գործընթացը»,-ասել Է Տիկարաձեն՝ հանդես գալով կառավարության նիստից հետո տեղի ունեցած ճեպազրույցում:
Նախարարի խոսքով՝ արդեն մինչեւ շաբաթվա վերջը Վրաստանը պետք Է ստանա մինչեւ կես միլիոն չափաբաժին Sinopharm եւ Sinovac չինական պատվաստանյութ, իսկ արդեն հաջորդ շաբաթվանից կսկսվի բնակչության պատվաստումը:
Ինչ վերաբերում Է Pfizer-ի պատրաստուկին, որի 1 միլիոն չափաբաժինը պետք Է փուլ առ փուլ ստանա Վրաստանը, առողջապահության նախարարությանն արդեն հայտնի Է պատվաստանյութի ստացման ստույգ ամսաթիվը: Սակայն, նախարարի խոսքով, ընկերության հետ կնքված պարտավորագրի համաձայն, առայժմ ինքը չի կարող հայտնել ամսաթիվը: Առողջապահության նախարարը նաեւ նշել Է, որ բոլոր քաղաքացիները, որոնք պետք Է երկրորդ ներարկումն ստանան AstraZeneca պատրաստուկով, պատվաստանյութով կապահովվեն ժամանակին:
Գերակա ուղղություն են դարձել այն քաղաքացիները, որոնց մոտ առաջին ներարկումից հետո անցել Է 10-12 շաբաթ: Մինչդեռ, տեղեկատվությունն այն մասին, որ չինական պատվաստանյութերը քաղաքացիներին չեն պաշտպանում «Դելտա» շտամից, այնքան Էլ չի համապատասխանում Է իրականությանը, հայտարարել Է առողջապահության նախարարը:
Տիկարաձեի խոսքով, գիտնականները նաեւ հարցեր ունեն հնդկական շտամի նկատմամբ մյուս պատվաստանյութերի արդյունավետության վերաբերյալ: Մինչեռ Եկատերինա Տիկարաձեն ընդգծել Է, որ համավարակի նկատմամբ հաղթանակի համար կարեւոր Է ոչ միայն պատվաստանյութը, այլեւ համաճարակաբանների պատվիրած կանոնների պահպանումը, հաղորդել Է Sputnik-ը: