Բանգլադեշի մայրաքաղաք Դաքքայում պայթյուն է տեղի ունեցել, որի հետևանքով առնվազն յոթ մարդ է զոհվել, 52-ը՝ տուժել, հաղորդում է Daily Star-ը՝ վկայակոչելով իշխանություններին:
Ականատեսները և հրշեջ ծառայության ներկայացուցիչները պատմել են, որ արտակարգ պատահարը տեղի է ունեցել կիրակի երեկոյան Մոգբազարի շրջանում:
Պայթյունի հետևանքով տուժած շենքում գործում էին էլեկտրոնիկայի առևտրի սրահ, մսի վաճառակետեր, ռեստորան և հրուշակձեղենի արտադրամաս: Խանութներն ամբողջությամբ ավերված են, դրանցից մնացել են միայն փլատակներ։
Պայթյունը կարող էր տեղի ունենալ էլեկտրոնիկայի սրահում կամ առևտրային կետում գազի մեծ կոնցենտրացիայի պատճառով, ասվում է հրապարակման մեջ:
«Առաջին հերթին մենք կասկածում ենք, որ օդորակիչը պայթել է»,- թերթը մեջբերում է հրշեջ ծառայության ներկայացուցիչ Ֆայսալուր Ռահմանի խոսքը:
Դեպքի վայրում աշխատում է հրշեջների 14 բրիգադ։ Վիրավորներին հոսպիտալացրել են։
At least seven people were killed and 50 others were injured in an explosion in Dhaka's Moghbazar this evening.
Dhaka Metrpolitan Police (DMP) pic.twitter.com/hmB9dWOrQy— md.zahid liton (@ZahidLiton3) June 27, 2021