Իհարկե կան հակասություններ ոչ միայն Սերժ Սարգսյանի արած հայտարարությունների, այլ նաև 10 տարի վարած իր արտաքին քաղաքականության, Արցախի հարցով վարած քաղաքականության և այս հայտարարությունների միջև: Այս մասին «Առաջին լրատվական»-ի հետ զրույցում նշեց քաղաքագետ Ստեփան Սաֆարյանը՝ անդրադառնալով Սերժ Սարգսյանի՝ BBC-ին տված հարցազրույցին, որտեղ նա նշել էր, որ պատրաստ է եղել կրել դավաճանի կնիքը և գնալ Արցախի խնդրի կարգավորման՝ Ադրբեջանին վերադարձնելով տարածքները:
«Ընդհանուր առմամբ և Ռոբերտ Քոչարյանը, և Սերժ Սարգսյանը եղել են ստատուս Քվոյի պահպանման կողմնակիցներ և իրենք ղարաբաղյան քաղաքականությունը հենված է եղել ամեն ինչին «այո» ասելը, բայց մեղքը այս կամ այն կողմի վրա բարդելը: Թերևս Սերժ Սարգսյանի այս հարցազրույցը ցույց է տալիս, թե ինչու հայ հասարակությունը չհավատաց երկու նախկին նախագահների վերլուծություններին պատերազմի պատճառների մասին, և ինչու նրանք մերժվեցին մեկ քվեարկության փաթեթով: Որովհետև հասարակությունը շատ լավ հիշում է, որ Սերժ Սարգսյանը, ռոբերտ Քոչարյանը իրենց թիմակիցների միացյալ թիմով նաև պատերազմից առաջ փորձում էին բարձրացնել ոչմիթիզականության նշաձողը, մեղադրում էին Նիկոլ Փաշինյանին հողերը հանձնելու մտադրության մեջ և տեղ չթողեցին քաղաքական կարգավորման համար»,-ասաց նա: