Վրաստանի խորհրդարան կներկայացվեն օրենսդրական փոփոխություններ` կապված մեկուսացման, կարանտինի և շնչադիմակ կրելու կանոնները խախտելու համար տուգանված անձանց համաներման հետ: Հաղորդում է 1tv.ge-ն։
Նախագիծը նախաձեռնելու են հունիսի 28-ին՝ բյուրոյի նիստին:
Օրինագիծը վերաբերելու է այն անձանց, որոնք վարչական կամ քրեական պատասխանատվության են ենթարկվել համաճարակով սահմանված կանոնները խախտելու համար:
Օրինագծում բերված է տուգանված անձանց վերաբերյալ վիճակագրություն:
Միևնույն ժամանակ, օրինագծում նշվում է, որ ավելի քան 245 հազար քաղաքացի և 344 իրավաբանական անձ կազատվեն վարչական տուգանքներից: Համաներումը կվերաբերի 76 միլիոն լարի տուգանքին: