Ավստրալիայի Նոր Հարավային Ուելսը երկարացրել է սահմանափակումները՝ կապված Սիդնեյում և հարակից շրջաններում COVID-19-ի բռնկման հետ, ասվում է նահանգապետ Գլեդիս Բերեջիկլյանի հայտարարության մեջ:
«Բնակիչներին համաճարակի տարածումից պաշտպանելու համար գործող սահմանափակումները տարածվում են ամբողջ Մեծ Սիդնեյում հունիսի 26-ից՝ երեկոյան ժամը 6:00-ից մինչև հուլիսի 9-ը», -ասվում է նահանգապետի հայտարարության մեջ:
Կարանտինի գոտիների բնակիչներին արգելափակման ընթացքում թույլատրվում տներից դուրս գալ միայն աշխատանքի կամ ուսման, անհրաժեշտ գնումներ կատարելու, սպորտով զբաղվելու կամ հարազատներին օգնելու համար:
Նոր Հարավային Ուելսի առողջապահության վարչության վերջին տվյալների համաձայն՝ անցած օրվա ընթացքում նահանգում հայտնաբերվել է վարակի 29 նոր դեպք: Իսկ ընդհանուր առմամբ, այնտեղ գրանցվել է 5535 դեպք և 56 մահ: