Ուելս-Դանիա և Իտալիա-Ավստրիա հանդիպումներով այսօր կսկսվի Եվրոպայի առաջնության 1/8-րդ եզրափակիչը։ Հիշեցնենք, որ Իտալիան ցույց տալով 100 տոկոսանոց արդյունք հաղթող էր դարձել А ենթախմբում։ Ավստրիայի հավաքականը երկրորդ հորիզոնականն էր զբաղեցրել C ենթախմբում։ Այս դիմակայությունում բուքմեյքերները բացահայտ ֆավորիտ են համարում իտալացիներին։ Վերջինիս հաղթանակի համար սահմանված է 1․45 գործակից։ Ոչ-ոքին գնահատված է 4․35, իսկ ավստրիացիների գործակիցը՝ 8․8 գործակցով։ Իտալիայի անցումը քառորդ եզրափակիչ գնահատված է 1․2, իսկ Ավտրիայի անցումը՝ 5 գործակցով։ Ուելսի հավաքականը Իտալիայի հետ ընդգրկված էր А ենթախմբում։ Վաստակելով 4 միավոր բրիտանական հավաքականը ենթախմբում զբաղեցրել էր երկրորդ հորիզոնականը։ B ենթախմբում ընդգրկված դանիացիները 1/8-դր եզրափակչի ուղեգիր նվաճեցին միայն վերջին պահին։ Ֆինլանդիային և Բելգիային զիջելուց հետո այս հավաքականը վերջին երրորդ տուրում 4։1 հաշվով ջախջախեց Ռուսաստանին։
Այս ենթախմբի վերջնական արդյունքներով Ֆինլանդիան Ռուսաստանը և Դանիան ունեին 3-ական միավոր։ Դանիացիները պայքարի երկրորդ տեղում հայտնվեցին խփած և բաց թողած գնդակների ավելի լավ հարաբերակցության արդյունքում։ Ուելս-Դանիա մրցավեճում բուքմեյքերները նախապատվությունը տալիս են սկանդինավյան հավաքականին։ Խաղի հիմնական ժամանակում Դանիայի հավաքականի հաղթանակի համար սահմանված է 1․85 գործակից։ Ոչ-ոքի գնահատված է 3․3, իսկ Ուելսի հաղթանակը՝ 5․3 գործակցով։ Քառորդ եզրափակիչ Դանիայի անցումը գնահատված է 1․4, իսկ Ուելսի անցումը՝ 3․1 գործակցով։ Գնահատված հնարավորությունները կարելի է օբյեկտիվ համարել։ Խմբային փուլում ցուցադրած փայլուն խաղից և արդյունքից հետո իտալացիներն այսօր պարտավոր են հաղթել Ավստրիային։ Վերջինս կազմակերպված՝ կոլեկտիվ ֆուտբոլ է դավանում, բայց․․․։ Ընդունենք սակայն, որ իտալացիներն անհամեմատ ավելի ուժեղ են և արժանի են պայքարը շարունակելու քառորդ եզրափակչում։ Հետաքրքիր փաստ C խմբի վերջին տուրի խաղում Ավստրիայի հավաքականը նվազագույն հաշվով հաղթեց Ուկրաինային։ Այս հաղթանակը Ավստրիայի ընտրանուն թույլ տվեց 6 միավոր վաստակել ու խմբում երկրորդ հորիզոնականը զբաղեցնել՝ պատմության մեջ առաջին անգամ դուրս գալով Եվրոպայի առաջնությունների փլեյ-օֆֆ փուլ։ Խոշոր մրցաշարի վճռորոշ փուլի ավստրիացիները վերջին անգամ մասնակցել էին 1954 թվականին՝ աշխարհի առաջնությունում։ Քառորդ եզրափակչում հայտնվելու ավելի լավ հնարավորություն իրականում ունի նաև Դանիան։
Մեկնարկային խաղում ուշագնաց եղավ այս հավաքականի առաջատար Կրիստիան Էրիկսենը։ Հոգեբանական շոկի հետևանքով Դանիայի հավաքականը զիջեց կարգով ավելի ցածր Ֆինլանդիային այնուհետև նաև Բելգիային։ Ռուսաստանի հետ մրցավեճում սակայն համոզվեցինք, որ դանիացիները հաղթահարել են ճգնաժամը և էլ ավելի մոտիվացած է խաղում։ Խմբային փուլում լավ տպավորություն էր թողել նաև Ուելսի հավաքականը։ Այս հավաքականում սակայն տոն են տալիս երկու ընդգծված առաջատարները՝ Գարեթ Բեյլն ու Աարոն Ռեմսին։ Այս ֆուտբոլիստներին խաղադաշտում չեզոքացնելու պարագայում դանիացիները կարող են հեշտությամբ լուծել խնդիրը։ Ընդհանուր առմամբ Դանիան ավելի դինամիկ և արագ ֆուտբոլ է դավանում։
Ուելս-Դանիա հանդիպումը կսկսվի Երևանի ժամանակով 20-ին, իսկ Իտալիա-Ավստիա մրցավեճը՝ 23-ին։ Վաղը կայանալիք 1/8-րդ եզրափակչի հանդիպումներում միմյանց հետ կմրցեն Հոլանդիան-Չեխիա, Բելգիա-Պորտուգալիա զույգերը։
