Ե՛վ Իրանը, և՛ Հայաստանը թևակոխել են հետընտրական փուլ: ՀՀ վարչապետի պաշտոնակատար Նիկոլ Փաշինյանը շնորավորել է նորընտիր նախագահ Իբրահիմ Ռայիսիին, որը պահպանողական թևի թեկնածուն էր և Իրանի գերագույն դատարանի նախագահը: Իրանի արտգործնախարարությունն էլ շնորհավորել է Հայաստանում խորհրդարանի արտահերթ ընտրությունները հաջող անցկացնելու կապակցությամբ՝ հույս հայտնելով ընդլայնել երկու հարևան երկրների բարեկամական հարաբերությունները: Փորձագետները կարծում են, որ Ռայիսին ինչ-որ առումով իր նախորդի` Հասան Ռոհանիի հակապատկերն է և առավել կոշտ դիրքորոշում կզբաղեցնի մի շարք հարցերում: Ի՞նչ փոփոխություններ կլինեն Իրանում, այդ թվում արտաքին քաղաքականությունում, ի՞նչ վարքագիծ պետք է սպասել երկրի նորընտիր իշխանություններից: Այս և մի շարք այլ հարցեր «Առաջին Լրատվական»-ը քննարկել է Թեհրանում լույս տեսնող «Արաքս» շաբաթաթերթի խմբագիր, վերլուծաբան Մովսես Քեշիշյանի հետ:
Մեր զրուցակիցը կարծում է, որ Իրանում որոշակի փոփոխություններ կլինեն, բայց նկատի ունենալով մինչ այս պահը Թեհրանի հարաբերությունները և՛ Արևմուտքի, և՛ Ռուսաստանի, և՛ տարածաշրջանի երկրների հետ, գոնե մոտ ապագայում արտասովոր փոփոխություններ պետք չէ սպասել: Միևնույն ժամանակ Քեշիշյանը նշեց, որ Իրանի նորընտիր նախագահը առավել կոշտ և հստակ քաղաքականություն կիրականացնի՝ հաշվի առնելով տարածաշրջանում ստեղծված նոր իրողությունները:
Առավել մանրամասն՝ տեսանյութում: