Wednesday, 22 09 2021
18:59
Արսեն Զախարյանը կարող է հայտնվել Բունդեսլիգայում
«Արարատի» հարձակվողը կարիերան կշարունակի Հունգարիայում
Պրեմիեր լիգա․ «Նոան» հաղթեց արտագնա խաղում
Հայաստանի պատանեկան հավաքականը հավաք կանցկացնի
Արթուր Ալեքսանյանի և Կարապետ Չալյանի տղամարդկային որոշումը․․․
«Արարատը» հաղթեց և հավասարվեց առաջատարին
14:26
Մի շարք սպորտսմենների պատվավոր կոչումներ է շնորհվել
Ճգնաժամային հրաժարական․ Ինչ է կատարվում Հայաստանի չեմպիոնի հետ
12:34
Իսպանական Լա լիգայի շնորհավորական ուղերձը
VBET Պրեմիեր լիգա․ «Ալաշկերտը» կրկին չհաղթեց
Ինչպես է Արմեն Մաշակարյանը հաղթում ադրբեջանցի մրցակցին
Հայաստան – Լեհաստան հանդիպման տոմսերը վաճառքում են
Հրմշտոց ու տուրուդմփոց․ Քանի մարդ կզրկվի Հայաստան-Գերմանիա հանդիպումը դիտելուց
Վահան Բիչախչյանի դուբլը
Հայաստանի ազգային հավաքականի դիրքը ԱՊՀ-ում և տարածաշրջանում
Բռնցքամարտը կհանվի՞ Օլիմպիական խաղերի ծրագրից
14:36
Հայ գեղասահորդները կպայքարեն Օլիմպիական խաղերի ուղեգրերի համար
VBET Հայաստանի գավաթ․ «Արարատ-Արմենիան» հաղթեց «Լեռնային Արցախին»
17:10
Օլիմպիական խաղերին մասնակցած և հաղթած մարզիկների պարգևավճարները կավելանան
Քանի հայ ֆուտբոլիստ է խաղում Եվրոպական թոփ լիգաներում
14:52
Ոչխարների պատճառով Ռոնալդուն փոխել է առանձնատունը
Հայաստանի ազգային հավաքականի դիրքը ՖԻՖԱ-ի դասակարգման աղյուսակում
Կանանց Հայաստանը Մ-17 հավաքականը մարզական հավաք կանցկացնի
19:06
Մյունխենի «Բավարիայի» ֆանտաստիկ ցուցանիշը
VBET Հայաստանի Գավաթ․ «Շիրակը» դուրս մնաց հետագա պայքարից
Կանանց Հայաստանի ազգային հավաքականը ժամանել է Նորվեգիա
Ինչ տեղի ունեցավ Թել Ավիվիում․ «Ալաշկերտի» անհավանական վիճակագրությունը
ԿԼ․ «Ալաշկերտը» Թել Ավիվիում պարտվեց խոշոր հաշվով
«Մաքաբի»-«Ալաշկերտ»․ 3։1 առաջին խաղակեսից հետո
«Ալաշկերտի» մեկնարկային կազմը «Մաքաբի» դեմ խաղում

Եվրո-2020․ Դանիայի ֆուրորը Ռուսաստանի տապալման ֆոնին․․․

Ֆուտբոլի Դանիայի ազգայն հավաքականը դրամատիկ և դիտարժան պայքարում նվաճեց Եվրոպայի առաջնության 1/8-րդ եզրափակչի ուղեգիր։ B ենթախմբի վերջին տուրում դանիացիները 4։1 հաշվով ջախջախեցին Ռուսաստանին: Միաժամանակ ընթացող մյուս խաղում Ֆինլանդիան պարտվեց Բելգիային` զիջելով 0:2 հաշվով: Երրորդ տուրից առաջ Բելիգան ուներ 6, իսկ Ռուսաստանն ու Ֆինլանդիան 3-ական միավոր։ Դանիայի հավաքականին չէր հաջողվել միավոր վաստակել և երկրորդ հորիզոնականը գրավելու միայն տեսական հնարավորություններ ուներ։ Բելգիան հաղթելով ֆիններին իրական նվեր մատուցեց Դանիային։ Արդյունքում Ռուսաստանը, Ֆինլանդիան և Դանիան խմբային փուլն ավարտեցին 3-ական միավորներով։ Դանիան, որը մյուս թիմերի նկատմամբ առավելություն ուներ խփած և բաց թողած գնդակների հաշվարկում զբաղերեց երկրորդ հորիզոնականը։ «Այ սա խաղ էր։ Հույս ունեինք, որ այն հրաշալի կլինի։ Ուզում եմ շնորհակալություն հայտնել բոլոր նրանց, ովքեր աջակցում էին մեզ։

Կարծում եմ՝ դա մեծ ազդեցություն ունեցավ խաղացողների վրա։ Ընկերությունը, թիմային ոգին ուղղակի հրաշալի էին։ Բոլոր 3 խաղերը մենք բարձր մակարդակով անցկացրինք։ Եթե ինչ-որ մեկն արժանի է առաջ գնալուն, մեր խաղացողներն են։ Չեմ պատկերացնում՝ ինչպես նրանք կարողացան հաղթահարել իրենց հետ տեղի ունեցածը։ Կեցցե՛ն։ Շնորհակալություն ողջ Դանիային աջակցության համար։ Շնորհակալություն տղաներ, կեցցեք։Նույնիսկ նրանք, ովքեր դաշտ դուրս չեկան, մեծ ներդրում են ունեցել թիմում։ Դժվար է նկարագրել՝ ինչի միջով մենք անցանք։ Անընդհատ Էրիկսենի մասին ենք մտածում»,- խաղից հետո ասել է Դանիայի հավաքականի գլխավոր մարզիչ Կասպեր Հյուլմանդը։ Դանիացիներն իսկապես արժանի էին հաղթանակի։ Առաջին տուրում այս առաջատար կիսապաշտպան Կիրստիան Էրիկսենի հետ տեղի ունեցածից հետո Դանիայի հավաքականում հոգեբանական անկում էր սկսվել։ Առանց Էրիկսենի դանիացիները զիջեցին Ֆինլանդիային։ Ցուցադրելով տպավորիչ խաղ, այս հավաքականն այնուամենայնիվ երկրորդ տուրում պարտվեց նաև Բելգիային։ Ընդունենք, որ երկու պարտություններն էլ ունեին օբյեկտիվ պատճառ։ Երեկ Հյուլմանդի թիմը ցույց տվեց կամք և մարտական ոգի։ Ինչ վերաբերվում է Ռուսաստանին, ապա երեկ համոզվեցինք, որ Ստանիսլավ Չերչեսովի գլխավորած թիմում սկիզբ առաջացած լճացումն ավելի է խորացել։ Թափթփված և անատամ խաղով ուղղակի հնարավոր չէ արդյունքի հասնել նման մրցաշարում։ «Ասելու բան չկա. չկա կազմակերպվածություն՝ ո՛չ հարձակման, ո՛չ էլ պաշտպանության գծում: Մենք երկու անգամ հակագրոհեցինք, բայց մյուս դրվագներում շատ սխալներ ու կորուստներ եղան: Երկրորդ գոլը ամենահիմար սխալն է:

Նույնիսկ եթե ազատ տարածություն կար, նրանք անընդհատ հետ էին խաղում, երբ պետք է առաջ շարժվեին: Մենք անընդհատ կախված ենք Ձյուբայից, քանի որ պաշտպանությունից հարձակման գիծ անցում չունենք: Ընդհանրապես, չկա կառուցվածքային խաղ, հասկացողություն, թե ինչ է ուզում թիմը: Ոչ հիմա, ոչ Ազգերի լիգայում: Առաջին գոլը Սաֆոնովի սխալն էր: Նա հեռու գնաց և հարվածը չտեսավ, չնայած դանիացին հիանալի խաղաց: Բայց նա պետք է ավելի մոտ լիներ դարպասային գծին: Մեր գրոհում մենք ունենք միայն Ձյուբային փոխանցումներ և գնդակի խլում. այլևս մարտավարություն չկա: Չկա թիմային ֆուտբոլ, գնդակի վերահսկողություն, հարվածներ դարպասին: Չնայած մենք չունեինք «Ա» ծրագիր – երեք խաղերն էլ շատ վատն էին: Կարո՞ղ էինք այլ կերպ խաղալ: Իհարկե՛։ Հավաքականում ավելի բարդ է, բայց մեկ ամսվա ընթացքում կարող ես ինչ-որ բան խաղալ: Նրանք գնդակ են ստանում, և նրանք չգիտեն, թե ինչ անել: Ոչ ոք չի բացվում, չի հարմարվում, ամեն ինչ շատ դանդաղ է ընթանում: Իսկ Ռուսաստանի առաջնությունն էլ անցկացվում է ոչ շատ բարձր տեմպերով:ԱԱ-2018-ում, որպես այդպիսին, խաղ չկար. իսպանացիների հետ խաղում մի փոքր բախտավոր էինք: Շատ մարզիչներ ասում են՝ գլխավորը արդյունքն է, խաղը կգա: Խաղը չի գալիս, մարզիչներն են այն թելադրում: Եթե խաղ չկա, ապա արդյունք էլ չի լինի»,- անդրադառնալով Ռուսաստանի ելույթներին ասել է երևանի «Փյունիկի» փոխնախագահ, հայտնի ռուս մասնագետ Ալեքսանդր Տարխանովը։

Ինչևէ, Եվրո-2020-ի խմբային փուլի ավարտից երկու օր առաջ 11 հավաքական արդեն ապահովել է տեղը փլեյ-օֆֆում։1/8 եզրափակչի ուղեգրեր նվաճել են Իտալիայի, Ուելսի, Շվեյցարիայի, Բելգիայի, Դանիայի, Նիդերլանդների, Ավստրիայի, Չեխիայի, Անգլիայի, Շվեդիայի և Ֆրանսիայի հավաքականները, հաղորդում է մրցաշարի մամուլի ծառայությունը։ Երրորդ տուրի հանդիպումները դեռ պետք է անցկացվեն D, E և F խմբերում։ 1/8 եզրափակչի առաջին հանդիպումները հունիսի 26-ին կանցկացնեն Ուելսն ու Դանիան և Իտալիան ու Ավստրիան։

Բաժիններ
Ուղիղ
Լրահոս
Որոնում