Շիրակի մարզային ճգնաժամային կառավարման կենտրոնը hունիսի 21-ին, ժամը 14։09-ին ահազանգ է ստացվել, որ Գյումրի քաղաքի Կ․ Դեմիրճյան փողոցում գտնվող ավտոտնակներից մեկից ծուխ է նկատվում:
Ինչպես տեղեկացրին ՀՀ արտակարգ իրավիճակների նախարարության տեղեկատվության և հասարակայնության հետ կապերի վարչությունից, դեպքի վայր է մեկնել ԱԻՆ փրկարար ծառայության մարզային փրկարարական վարչության հրշեջ-փրկարարական ջոկատի երեք մարտական հաշվարկ։
Պարզվել է, որ այրվում են մեկ կտուրի տակ գտնվող չորս ավտոտնակներից երկուսը և հարակից խոհանոցը:
Հրդեհը մեկուսացվել է ժամը 15:10-ին, մարվել՝ 15:42-ին: Այրվել են առաջին ավտոտնակը (մոտ 30 քմ)՝ գույքով, երկրորդ ավտոտնակի տանիքը (մոտ 10 քմ) և հարակից խոհանոցի տանիքը (մոտ 20 քմ)։
