Վրաստանում արձանագրվել է կորոնավիրուսով վարակման 521 նոր դեպք: Այս մասին տեղեկատվությունը հրապարակվել է կառավարության stopcov.ge կայքում:
Երկրում վերջին 24 ժամում ապաքինվել է 911 մարդ, մահացել՝ 12 պացիենտ:
Վերջին 24 ժամում երկրում կատարվել է 18 737 թեստ, այստեղից 9 329-ը՝ հակագենի արագ և 9 408-ը՝ «Փի Սի Ար» թեստով:
Երկրում կորոնավիրուսի բացահայտման դրականության ցուցանիշներն են. օրական 2,78%, վերջին 14 օրվանը –2,46%, վերջին 7 օրվանը –2,66%:
Վրաստանում ընդհանուր առմամբ հաստատված է նոր կորոնավիրուսի 358 881 դեպք: Այստեղից ապաքինվել է 344 748 մարդ, մահացել՝ 5 160 պացիենտ:
Երկրում ընդհանուր առմամբ պատվաստվել է 233 488 մարդ, օրական՝ 3 583:
