Ոստիկանության անձնագրային և վիզաների վարչության պետ Արա Մկրտչյանը ԿԸՀ-ում տեղի ունեցած ասուլիսի ընթացքում հայտնել է, որ վարչությունում ստեղծվել է թեժ գիծ, որի միջոցով ամբողջ ընթացքում ստացվել է ընտրացուցակների վերաբերյալ 319 զանգ: Դրանցից 309-ը եղել են տեղեկատվական բնույթի:
«4 զանգ վերաբերել է ընտրացուցակներում առկա անճշտություններին: Դրանց վերաբերյալ կատարվել են համապատասխան ուսումնասիրություններ, և անճշտությունները վերացվել են»,- ասաց Մկրտչյանը:
Նախնական ցուցակները հրապարակելուց հետո մինչև վերջնական ցուցակների հրապարակումը ոստիկանության կողմից ԶԼՄ-ների կողմից արվել են հայտարարություններ՝ ընտրացուցակներում անճշտությունների դեպքում դիմելու կարգի, ընթացակարգերի վերաբերյալ:
