Էնդոկրինոլոգ և սննդաբան Տատյանա Բոչարովան РИА Новости-ին ասել է, թե ինչ մթերքների հետ կեռասը ցանկալի չէ համատեղել:
«Օրական կեռասի նորմը մինչև 200 գրամ է առողջ մեծահասակի համար, ով չունի ախտորոշումներ, ինչպիսիք են սուր գաստրիտը կամ շաքարային դիաբետը: Եթե ունեք գաստրիտ, բայց իսկապես ցանկանում եք մի քանի հատապտուղ ուտել, մի՛ համադրեք դրանք թթվային կամ կիսաթթվային մթերքների՝ ազնվամորու, բալի, խաղողի, սալորի, խնձորի և առավել ևս՝ ցիտրուսային մրգերի հետ»,- ասել է Տատյանա Բոչարովան:
Բժշկի խոսքով՝ կեռասի և լոբազգիների համադրությունը վնասակար է: Լոբով ապուրից կամ սիսեռով շիլայից հետո որպես աղանդեր ցանկալի չէ ուտել այդ հատապտուղը: Ե՛վ կեռասը, և՛ հատիկավորները կարող են վքնածություն առաջացնել: Այս մթերքների համատեղումը մեծացնում է աղիքների հետ կապված խնդիրների հավանականությունը:
Բժշկի խոսքով՝ ցանկալի չէ կեռաս ուտել ուտելուց անմիջապես հետո: Ավելի լավ է սպասել առնվազն 30 րոպե. այդ դեպքում հատապտուղը դրական ազդեցություն կունենա մարսողական համակարգի վրա:
