Առողջապահության Համաշխարհային կազմակերպությունը (ԱՀԿ) հայտարարել է Գվինեայում Էբոլա համաճարակի ավարտի մասին, որի հետևանքով 12 մարդ էր մահացել, գրում է ՌԻԱ լրատվականը։
«Փետրվարի կեսերին Գվինեայում բռնկված էբոլայի համաճարակը այժմ ավարտված է», – ասված է ԱՀԿ-ի հայտարարությունում։
Ընդհանուր առմամբ, իշխանությունները արձանագրել են հիվանդության 16 հաստատված դեպք, որից 12-ը մահվան ելքով:
Ավելի վաղ ԱՀԿ գլխավոր տնօրեն Թեդրոս Գեբրեյեսուսը շնորհավորել էր Գվինեային և առողջապահության աշխատողներին, ովքեր օգնել են կանխել բռնկումը: Նա ավելացրել էր, որ պատվաստանյութերի շնորհիվ, Գվինեան կարողացել է չորս ամսում զսպել բռնկումը և կանխել դրա տարածումը երկրից դուրս: ԱՀԿ ղեկավարի խոսքով ՝ էբոլայի դեմ պատվաստվել է շուրջ 11 հազար մարդ:
Էբոլան սուր վիրուսային վարակ է, որն ազդում է կենդանիների որոշ տեսակների և մարդկանց վրա: Էբոլան բռնկվել է 2015-ին Արևմտյան Աֆրիկայում, որից հիմնականում տուժել է երեք երկիր՝ Գվինեան, Սիերա Լեոնե և Լիբերիան: