«Իսրայելում իշխանության եկավ ընդդիմադիր խմբակցությունների կոալիցիան: Յաիր Լապիդի կուսակցությունը ներկայիս իշխող կուսակցություններից ամենամեծն է, բայց վարչապետ է դարձել «Էմինա» խմբակցության ղեկավար Նաֆթալի Բենեթը ՝ հատուկ նշանակության ջոկատի նախկին սպա, որը գերազանց է հանդես եկել բարձր տեխնոլոգիական արդյունաբերության մեջ»,-«Առաջին լրատվական»-ի հետ զրույցում ասաց իսրայելցի հրապարակախոս Ավիգդոր Էսկինը։
Նա համուզմունք հայտնեց, որ որ իսրայելական քաղաքականության մեջ էական փոփոխություններ չեն սպասվում․«Ինչ վերաբերում է Հայաստանի հետ հարաբերություններին, ապա դա դժվար թե կախված լինի քաղաքական գործիչների փոփոխությունից: Իսրայելն իր գոյության առաջին իսկ տարիներից առաջարկել է Հայաստանին բարեկամություն և դիվանագիտական հարաբերություններ, բայց մինչ վերջերս Երևանը ոչ մի հետաքրքրություն չի հայտնում և բոլոր միջազգային կազմակերպություններում միշտ դեմ է քվեարկել Իսրայելին: Մեկ տարի առաջ Հայաստանը դեսպան ուղարկեց Իսրայել, բայց շատ շուտով հետ կանչեց նրան ՝ Ադրբեջանի հետ պատերազմի առաջին իսկ օրերին»։
Խոսելով Հայաստանի ներքաղաքական կյանքի, ընտրություններից հետո հայ-իսրայելական հարաբերությունների հնարավոր փոփոխության մասին, մեր զրուցակիցն ասաց․«Մենք Ադրբեջանում շատ թշնամական հայտարարություններ ենք տեսել Գազայում ահաբեկիչների հետ վերջին բախման ընթացքում, երբ ավելի քան 4000 հրթիռ արձակվեց Իսրայելի բնակելի թաղամասերի ուղղությամբ: Իսրայելի համար սա կարևոր ազդանշան է: Հայաստանում ընտրություններից հետո տեղին կլինի վերադառնալ հարաբերությունների բարելավման թեմային: Դա հնարավոր կլինի, եթե Երևանը պատրաստ լինի դրական փոփոխությունների»։