Հարավային Կորեայում կայացել է Space Out Competition-ը, որն ի հայտ է բերում ամենահանգիստ մարդուն, հայտնում է World of Buzz- ը:
Նշվում է, որ մրցույթը կոչված է օգնելու մարդկանց վերադառնալ հանգստի վիճակի և լիցքաթափվել կորոնավիրուսի համավարակի ֆոնին:
Մրցույթի էությունն այն է, որ մասնակիցները պետք է հնարավորինս լիցքաթափվեն 90 րոպեի ընթացքում: Հաղթում է նա, ով ունի առավել կայուն և ամենացածր սրտային կծկումները:
2021 թվականին մրցույթում հաղթել է Չեջու քաղաքից վարսավիրը: Space Out Competition-ն առաջին անգամ անցկացվել է Հարավային Կորեայում 2014 թվականին: Անցյալ տարի մրցույթն անցկացվել է առցանց, իսկ այս տարի՝ Չեջու կղզու անտառներում:
