Իսպանիան չեղարկում է փողոցներում դիմակ կրելու պահանջը։ Կառավարությունը համաձայնել է մեղմել դիմակի կրման ռեժիմը՝ համապատասխան խնդրանքով 10 համայնքներից դիմումներ ստանալուց հետո։ Վարչապետ Պեդրո Սանչեսի հաղորդմամբ՝ դիմակի պարտադիր կրման ռեժիմը կհանվի հունիսի 26-ից։ Այս մասին փոխանցում է El Mundo-ն։
«Մեր փողոցները, մեր դեմքերը կվերականգնեն իրենց սովորական տեսքտը հաջորդ մի քանի օրերին։ Մենք կրկին կվայելենք կյանքը փողոցում առանց դիմակի»,-ասել է Սանչեսը։
Համայնքներից դիմում ստանալուց մի քանի շաբաթ առաջ առողջապահության ոլորտի պատասխանատուներն ակնարկել էին, որ շուտով դիմակներըփողոցներում կլինեն ոչ պարտադիր։
Իսպանիան հունիսի 7-ից սկսել է իր նավահանգիստներում ընդունել կրուիզային նավեր, ինչն արգելել էր 2020 թվականի հունիսից։
