Ռուսական կողմը հայտարարել էր, որ համաճարակային իրավիճակի անորոշությամբ պայմանավորված չեղարկվում են դեպի Թուրքիա թռիչքները։ Այնուհետև ռուսական S7 և Aeroflot ավիաընկերություններն ամբողջությամբ չեղարկեցին ամառային սեզոնի բոլոր թռիչքները և դադարեցրեցին տոմսերի վաճառքը։
Ermenihaber-ի փոխանցմամբ՝ հեղինակավոր Forbes ամսագրին մոտ կանգնած երկու աղբյուր հայտնում է, որ Ռուսաստանը հնարավոր է հուլիսի 1-ից վերսկսի Թուրքիայի հետ չվերթները:
Այդ աղբյուրներից մեկը հայտնում է. «Կարծես թե անվտանգ է սկսել թռիչքները դեպի Թուրքիա, որտեղ համավարակի դեպքերի թվի վերաբերյալ ցուցանիշներն արդեն կայունացել են: Հնարավոր է, որ շաբաթվա ընթացքում 7 չվերթ իրականացվի»:
Նշվում է, որ չվերթների վերսկսման ուղղությամբ պահանջները ներկայացվել են, սակայն ռուս պաշտոնյաները դեռևս վերջնական որոշում չեն կայացրել:
Հունիսի 17-ին Ռուսաստանից մասնագետների խումբ է մեկնել Թուրքիա՝ համավարակի հետ կապված իրավիճակն ուսումնասիրելու: Մասնագետների այցից հետո պարզ կդառնա՝ արդյոք կվերսկվեն Թուրքիայի հետ թռիչքները, թե ոչ:
Հիշեցնենք, որ Թուրքիայի զբոսաշրջության ոլորտում ռուս զբոսաշրջիկների ունեցած դերակատարումը չափազանց կարևոր է և նման որոշման հետևանքով Թուրքիայում այս ոլորտը մեծ վնաս կարող է կրել։
