Միջազգային հանրային առողջության մասնագետները, գիտնականները, բժիշկները, ծխախոտի դեմ պայքարի փորձագետներն ու սպառողները հունիսի 17-ին և 18-ին Մեծ Բրիտանիայի Լիվերպուլ քաղաքում անցկացնում են «Նիկոտինի Գլոբալ Ֆորում 2021»-ը (GFN21): Կոնֆերանսի ընթացքում խոսվելու է սիգարետի համեմատ ավելի անվտանգ նիկոտինի մատակարարման համակարգերի մասին, որոնք կարևոր դեր են խաղում ծխելով պայմանավորված հիվանդությունները և մահացությունը նվազեցնելու հարցում։
Ամեն օր աշխարհում սիգարետ են ծխում 1․1 միլիարդ մարդ, որը չնայած հակածխախոտային ակտիվ պայքարի, վերջին 20 տարիների ընթացքում չի նվազել։ Մարդիկ ծխում են նիկոտին ստանալու համար, ինչը համեմատաբար ցածր ռիսկայնությամբ նյութ է, սակայն նիկոտին ստանում են այրելով ծխախոտաբույսը, որի արդյունքում առաջանում են հազարավոր տոքսիններ։
Ի՞նչ է վնասի նվազեցումը
Նիկոտինի գլոբալ ֆորումի փորձագետները կքննարկեն մի մոտեցում, որը կոչվում է ծխախոտի վնասի նվազեցում։ Ըստ այս մոտեցման չափահաս ծխողները, ովքեր չեն կարող թողնել նիկոտինը, պետք է այրվող սիգարետից անցնեն ավելի անվտանգ նիկոտինային արտադրանքների, ինչպիսիք են էլեկտրոնային սիգարետները, ծխախոտի տաքացման համակարգերը կամ սնուսը։
Ելույթ ունենալով համաժողովից առաջ, GFN- ի տնօրեն, պրոֆեսոր Գերրի Սթիմսոնը, Լոնդոնի Կայսերական քոլեջի անվանի պրոֆեսոր, ասաց. «Աշխարհում մինչև 98 միլիոն սպառող արդեն անցել է ավելի անվտանգ նիկոտինային արտադրանքների: Անգլիայում առողջապահական մարմինները աջակցում են ծխելը թողնելուն, իսկ առանց այրման այլընտրանքները այժմ ամենատարածված օգնությունն են: Ուզում եմ նաև նշել, որ Ճապոնիայում սիգարետի վաճառքը մեկ երրորդով նվազել է այն բանից հետո, երբ շուկայում հայտնվեցին ծխախոտի տաքացման համակարգերը։»
«Մտահոգիչ է, որ ծխելու դեմ պայքարի միջազգային շատ մարմիններ անհեթեթորեն հետևում են ծխախոտի և նիկոտինի նկատմամբ անպատասխանատու արգելքի մոտեցմանը, մինչդեռ ԱՀԿ-ն ակտիվորեն ապակողմնորոշում է տարածում նոր նիկոտինային արտադրանքների՝ փոխարինիչների վերաբերյալ: Հանրային առողջությունը չի ապահովվի և չի փրկվի նիկոտինի դեմ պատերազմով։ ԱՀԿ-ն պետք է ուղղի իր ջանքերը` աջակցելու աշխարհում 1․1 միլիարդ ծխողներին բոլոր հնարավոր միջոցներով, այդ թվում անցնելով ավելի անվտանգ այլընտրանքների» շարունակեց պրոֆեսոր Գերրի Սթիմսոնը։
