Armenian Election Study կենտրոնի կողմից անցկացված սոցհարցման արդյունքներով Նիկոլ Փաշինյանի «Քաղաքացիական Պայմանագիր» կուսակցությունն առաջիկա ընտրություններում կստանա առավել շատ ձայներ՝ 24%, իսկ Ռոբերտ Քոչարյանի գլխավորած «Հայաստան» դաշինքը՝ 12%:
Ըստ հարցման արդյունքների՝ Նիկոլ Փաշինյանի «Քաղաքացիական պայմանագիր» կուսակցությունը կհաղթի առավել շատ ձայներ հավաքելով, բայց չի կարողանա ապահովել միակուսակցական մեծամասնություն խորհրդարանում: Կանխատեսվում է, որ Ռոբերտ Քոչարյանի «Հայաստան դաշինք» -ը կզբաղեցնի երկրորդ հորիզոնականը։ Ըստ արդյունքների՝ Էդմոն Մարուքյանը, Նորայր Նորիկյանը, Արման Բաբաջանյանը և Դավիթ Սանսարյանը, ովքեր իրենց ներկայացնում են որպես այլընտրանք Փաշինյանին, համեմատաբար ցածր հավանության են արժանացել հարցվածների կողմից: Նախորդ վարչակարգերի հետ առնչություն ունեցող թեկնածուներն ամենաբարձր վարկանիշն են ցուցաբերում՝ հավանության չարժանանալու տեսանկյունից՝ Ռոբերտ Քոչարյանը`62%, Գագիկ Ծառուկյանը` 67%, Լևոն Տեր-Պետրոսյանը` 73% և Արթուր Վանեցյանը` 76%, սակայն Ռոբերտ Քոչարյանի հավանության վարկանիշը`18%, ամենաբարձրն է այս խմբում, միևնույն ժամանակ՝ Լևոն Տեր-Պետրոսյանն ունի ամենացածր հավանության վարկանիշը՝ 6%: Մյուս կողմից, Նիկոլ Փաշինյանը հարցմանը մասնակցողների շրջանակում գրանցել է ամենաբարձր հավանության վարկանիշը՝ 35%, մինչդեռ հավանություն չստանալու վարկանիշում նա հավաքել է 45%: Հետաքրքիր ցուցանիշ է, որ Արամ Սարգսյանը՝ 21% հավանության վարկանիշով, դարձել է հարցման երկրորդ ամենաժողովրդական թեկնածուն:
Հարցումը նաև գնահատել է ընտրողների՝ թեկնածուների անկեղծության և կոմպետենտության ընկալումը։ Քաղաքացիների վտսահությունը թեկնածուների կոմպետենտության նկատմամբ շարունակում է մնալ բավական բացասական, առավել կոմպետենտ թեկնածու է համարվում Արման Բաբաջանյանը 25%-ով, որին հաջորդում է Ռոբերտ Քոչարյանը 25%-ով և Արմեն Սարգսյանը 23%-ով։ Նիկոլ Փաշինյանի կոմպետենտության վարկանիշը կազմել է 17%, իսկ վերջինիս ոչ կոմպետենտության ընկալման մակարդակը 51% է։ Քոչարյանը դրսևորել է ոչ կոմպետենտության ընկալման ամենացածր ցուցանիշը 36%, մինչդեռ մյուս թեկնածուները, որոնք առնչվում էին նախկին ռեժիմների հետ ունեցել են ոչ կոմպետենտության բավական բարձր ընկալում ՝ Լևոն Տեր-Պետրոսյանը՝ 70%, Վանեցյանը՝ 67%, Ծառուկյանը՝63%։ Սակայն ազնվության հարցում, այնուամենայնիվ, Փաշինյանին ճանաչվել է որպես ամենաազնիվ թեկնածու 30% ձայներով, որին հաջորդել է Սարգսյանը՝ 19%, Քոչարյանը՝ 3%, Տեր-Պետրոսյանը՝ 2%, Վանեցյանը՝ 2% ձայներով։ Նման կերպ հարցման ժամանակ Քոչարյանը ճանաչվել է որպես ամենակոռումպացված քաղաքական գործիչ 36%-ով, որին հաջորդել է Վանեցյանը՝ 25%, Ծառուկյանը՝ 16% ձայներով։ Փաշինյանը և Բաբաջանյանն ամենաքիչ կոռումպացված թեկանծուներն են 2%-ով, որոնց հաջորդել է Սարգսյանը՝ 4% և Մարուքյանը՝ 5% ձայներով։ Ընդհանուր առմամբ, նախկին ռեժիմների հետ առնչվող թեկնածուները դիտարկվում էին որպես առավել կոռումպացված և ավելի քիչ ազնիվ քաղաքական գործիչներ, մինչդեռ թավշյա հեղափոխությանը հարող թեկնածուները դիտարկվում էին որպես ավելի ոչ կոմպետենտ, սակայն առավել ազնիվ թեկնածուներ։
Տարբեր մարզերում ձայների բաշխումը կարևոր պատկեր է տալիս երկու առաջատար թեկնածուների միջև ընտրողների նախընտրությունները հասկանալու հարցում։ Ընդհանուր պատկերն այն է, որ Փաշինյանը լիովին գերակշռում է Երևանից դուրս գտնվող բոլոր մարզերում, բացառությամբ՝ Սյունիքի, որտեղ Քոչարյանի ձայների տոկոսը 71 է, մինչդեռ Փաշինյանինը՝ 29: Արագածոտնում Փաշինյանն ապահովել է 71%, իսկ Քոչարյանը ՝ 29%, Արարատում անհամապատասխանությունն էլ ավելի մեծ է. Փաշինյանը 87% է, իսկ Քոչարյանը՝ 13%: Գեղարքունիքում ամենամեծ անհամապատասխանությունն է տոկոսային առումով, որտեղ Փաշինյանն ապահովել է 95%, Լոռիում Քոչարյանն ունի 16%, Փաշինյանը՝ 86%, Արմավիրում Քոչարյանը՝ 19%, իսկ Փաշինյանն՝ 81%: Այս անհամապատասխանությունները փոքր-ինչ թույլ են Կոտայքում, որտեղ Փաշինյանը դեռ գերակշռում է 59% -ով, սակայն Քոչարյանին հաջողվում է ապահովել 41%, նմանապես՝ Շիրակում (Քոչարյան`32%, Փաշինյան` 68% ): Մրցունակ տարածաշրջանը շարունակում է մնալ Երևանը, որտեղ Քոչարյանը գլխավորում է 51% -ով, իսկ Փաշինյանին բաժին է ընկնում ձայների 49% -ը՝ այդպիսով աջակցելով ընդհանուր տեսությանը, որ Փաշինյանի ընտրազանգվածը խիստ գյուղական է, մինչդեռ Քոչարյանի ընտրողները քաղաքաբնակներն են և ավելի կիրթ մարդիկ:
