Ժնևում ռուս-ամերիկյան գագաթնաժողովից հետո մամուլի ասուլիսի ժամանակ Վլադիմիր Պուտինին հարց են ուղղել այն մասին՝ արդյո՞ք կողմերին հաջողվել է փոխըմբռնման նոր մակարդակի հասնել, և արդյո՞ք իրատեսական է հարաբերությունների նոր փուլի անցնել, որը կլինի հասկանալի և թափանցիկ։ Այս հարցին պատասխանելիս ՌԴ նախագահը մեջբերել է Լև Տոլստոյի խոսքերը։
«Լև Տոլստոյը մի անգամ ասել է՝ կյանքում երջանկություն չկա, կան միայն դրա փայլատակումներ, փայփայե՛ք դրանք: Ինձ թվում է, որ նման իրավիճակում չի կարող լինել ինչ-որ ընտանեկան վստահություն, բայց կարծում եմ՝ փայլատակումներ եղան»։
Հիշեցնենք՝ Պուտինն ու Բայդենը, ընդհանուր առմամբ, դրական են գնահատել Ժնևյան բանակցությունները՝ չնայած կողմերի միջև դեռ բավական շատ տարաձայնություններ կան։
