Թուրքիայի ազգային հավաքականը երկրորդ անընդմեջ չոր պարտությունը կրեց Եվրոպայի առաջնությունում, գործնականում զրկվելով փլեյ-օֆում հայտնվելու հնարավորությունից։ A ենթախմբի երկրորդ տուրում թուրքերը 0։2 հաշվով զիջեցին Ուելսին։Առաջին կեսում երկու թիմերն էլ հնարավորություն ունեին հաշվի մեջ փոփոխություն մտցնելու, սակայն իր առիթն առաջինն օգտագործեց Ուելսի ընտրանին: 42-րդ րոպեին աչքի ընկավ Աարոն Ռամզին: Երկրորդ կեում թուրքերը տարածքային առավելություն ունեին, սակայն գրոհների վերջնամասում հստակություն չկար: 61-րդ րոպեին Թուրքիայի դարպասին նշանակված 11 մետրանոց հարվածն չկարողացավ իրացնել Ուելսի ընտրանու ավագ Գարեթ Բեյլը: Հանդիպման ավելացված ժամանակում Ուելսը խփեց նաև երկրորդ գնդակը: Գոլն իր ակտիվում գրանցեց Ռոբերտսը: Հիշեցնենք, որ առաջին տուրում Թուրքիան 0։3 հաշվով զիջել էր Իտալիային, իսկ Ուելսը, ոչ-ոքի 1։1 էր խաղացել Շվեյցարիայի հետ։ Երեկ Իտալիան նույն 3։0 հաշվով հաղթեց Շվեյցարիային ժամանակից շուտ նվաճելու 1/8-րդ եզրափակչի ուղեգիր։ Հռոմի Օլիմպիական մարզադաշտում կայացած խաղի առաջին կեսի 18-րդ րոպեին Իտալիան կարող էր առաջ անցնել հաշվի մեջ: Անկյունայինի խաղարկումից հետո Կելինիին ձեռքով գնդակն ուղարկել էր մրցակցի դարպասը:
Մրցավարները չհաշվեցին գնդակը: Բայց Իտալիան րոպեներ անց, այնուամենայնիվ, կարողացավ առաջ անցնել հաշվի մեջ: 26-րդ րոպեին աչքի ընկավ Լոկատելին: Երկրորդ կեսում իտալացիները պահպանեցին իրենց տարածքային առավելությունը և 52-րդ րոպեին դուբլի հեղինակ դարձավ Լոկատելին: Խաղի ավարտին Իտալիան խփեց նաև երրորդ գնդակը: Հեռահար հարվածով աչքի ընկավ Իմոբիլեն: Գերազանց արդյունքից զատ իտալացիները կրկին աչքի ընկան բալանսավորված և գրագետ խաղով։ Իտալիան այս առաջնությունում ցուցադրում է բոլորովին նոր՝ դիտարժան ֆուտբոլ։ Չունենալով ընդգծված առաջատարներ այս հավաքականը դավանում է թիմային խաղ, որը զուգորդվում է նաև անհատական՝ տեխնիկական լուծումներով։ Գլխավոր մարզիչ Ռոբերտո Մանչինին ստեղծել է հարթություն¸որը լայն հնարավորություն է տալիս ֆուտբոլիստներին դրսևորվելու։ Երեկվա հանդիպման հերոսը իտալական «Սասուոլոյի» կիսապաշտպան Լոկատելին էր։ «Լոկատելին բացառիկ խաղ ցուցադրեց։ Կիսապաշտպանի համար հեշտ չէ երկու գոլ խփել։ Առաջին գոլը հրաշալի թիմային գործողության արդյունք էր, իսկ երկրորդը վճռվեց անհատական վարպետությամբ։ Ամբողջ թիմը բարձրության վրա էր։ Հինգ օրում երկրորդ հանդիպումն էր, ինչը կրկնակի հաճելի է դարձնում այս արդյունքը։ Մենք լավ խաղացինք, բարդ հանդիպում էր։ Շվեյցարիան ուժեղ եւ ֆիզիկապես ամուր թիմ է։ Որոշակի խնդիրներ ունեինք սկզբում, բայց հետո ամեն ինչ կարգավորվեց եւ արժանի հաղթանակ տարանք։ Տղաները գերազանց աշխատանք կատարեցին։Միշտ պետք է հավատալ, որ ամեն գրոհը կարող է ավարտվել գոլով։ Հենց այդպես տեղի ունեցավ, երբ Լոկատելին փոխանցում կատարեց Բեռարդիին եւ զուգահեռ առաջ գնաց դարպասի ուղղությամբ»,- խաղից հետո ասել է Մանչինին Ի դեպ, վերջինիս գլխավորած հավաքականը մոտ է պատմական արդյունք գրանցելուն։
Իտալացիները երեկ անպարտելիության շարքը հասցրեցին 29 հանդիպման: Սա թիմի պատմության մեջ երկրորդ ցուցանիշն է:Ռեկորդը սահմանվել է 1935-1939 թվականներին, երբ Իտալիան Վիտտորիո Պոցցոյի գլխավորությամբ 30 խաղում անընդմեջ անպարտելի է: Ինչևէ, ամփոփելով A ենթախմբում տիրող իրավիճակը կարող ենք ասել, որ Իտալիան օբյեկտիվորեն արժանի է առաջին հորիզոնականին։ Այս հավաքականը մի գլուխ ավելի բարձր է մյուս երեք թիմերից։ Խմբային փուլի վերջին երրորդ տուրում Իտալիան մրցելու է Ուելսի հետ և նույնիսկ ոչ-ոքի խաղալու դեպքում դուրս ենթախմբում կզբաղեցնի առաջին հորիզոնականը։ Ի դեպ, ոչ-ոքի խաղալու դեպքում անկախ Շվեյցարիա-Թուրքիա հանդիպամ արդյունքից խմբում երկրորդ հորիզոնականը կզբաղեցնի Ուելսի հավաքականը։ Այս արդյունքն ինչ խոսք ձեռնտու է թե Ուելսին և թե Թուրքիային։ Ամեն դեպքում, վստահ ենք, որ այս հավաքականները առաջնորդվելով արդար խաղի կանոններով այսպես ասած չեն խաղա ոչ-ոքիի համար։ Ինչ վերաբերվում է Շվեյցարիայի և Ուելսին, ապա այս հավաքականները ակնհայտորեն թույլ են և չեն կարող լուրջ հավակնություններ ունենալ։
Խոսքը վերաբերվում է հատկապես Թուրքային։ Երբեմնի արգեսիվ և ինչ-որ տեղ կոշ ֆուտբոլ ցուցադրող հավաքականը այսօր նման է անկարող խաղացողների մի խմբի որոնք երկրորդ խաղում անընդմեջ ցավալի ապտակ ստացան։