ԱՄՆ նախկին նախագահ Դոնալդ Թրամփը հայտարարել է, որ Վաշինգտոնը ոչինչ չի ստացել Ռուսաստանի և ԱՄՆ-ի նախագահներ Վլադիմիր Պուտինի և Ջո Բայդենի հանդիպումից, իսկ Մոսկվայի համար հանդիպումը լավ է անցել։
«Մենք ոչինչ չենք ստացել, բեմահարթակ ենք տրամադրել Ռուսաստանին»,-ասել է նա Fox News-ի հետ հարցազրույցում։
Թրամփը հավելել է, որ ԱՄՆ-ը չի կարողացել կանգնեցնել «Հյուսիսային հոսք-2»-ը, ինչը կարևոր էր անել։
Նախկին նախագահի կարծիքով՝ գագաթնաժողովից շահել է Ռուսաստանը․ «Կարծում եմ՝ լավ օր էր Ռուսաստանի համար»։
Թրամփը նաև հայտարարել է, որ ռուս-ամերիկյան հարաբերությունները կարող էին անհավանական լինել։ «Նրանց հարկավոր է տնտեսություն, մեզ պետք են բաներ, որոնք նրանք ունեն։ Նրանք շատ արժեքավոր հող ունեն՝ հանքային ռեսուրսների տեսանկյունից»,-ասել է նա։
Սպիտակ տան նախկին ղեկավարը հանդես է եկել պնդմամբ, թե հիանալի հարաբերություններ է ունեցել Վլադիմիր Պուտինի հետ։ «Սակայն ոչ ոք այնքան կոշտ չի եղել Ռուսաստանի հետ, որքան ես»,-հավելել է նա։