Մերձմոսկովյան շրջանի նահանգապետ Անդրեյ Վորոբյովը հրամանագիր է ստորագրել, որով փոփոխվել են շրջանում գործող սահմանափակումները համաճարակաբանական իրավիճակի վատթարացման պատճառով, հաղորդում է РИА Новости գործակալությունը։
Փաստաթղթի տեքստի համաձայն՝ հունիսի 13-20-ը Մերձմոսկովյան շրջանի բնակիչներից կպահանջվի դիմակ և ռեսպիրատորներ կրել բոլոր հասարակական վայրերում՝ առևտրի վայրերում, դեղատներում, տրանսպորտում, այդ թվում՝ տաքսիներում, երկաթուղային կայարաններում, ուղևորային հարթակներում, հետիոտնային անցումներում, կամուրջների վրա և թունելներում և բոլոր ձեռնարոկություններում, որոնք շարունակում են աշխատել։
Բացի այդ, կազմակերպությունները պարտավոր են շենք ներս չթողնել այն քաղաքացիներին, որոնք դիմակ չեն կրում։ Նրանց նաև հանձնարարվել է վճարային տերմինալների վրա տեղեկատվություն տեղադրել պատվաստումների մոտակա կետերի մասին։
Բացի այդ, կազմակերպություններին և անհատ ձեռնարկատերերին խորհուրդ է տրվել կազմակերպել խրախուսական մջոցառումներ, օրինակ՝ զեղչեր, նվերներ, խաղարկություններ այն հաճախորդների և աշխատակիցների համար, ովքեր պատվաստվել են։
Ավելի վաղ Մոսկվայի քաղաքապետ Սերգեյ Սոբյանինը հայտնել էր, որ հրամանագիր է ստորագրել հունիսի 15-19-ը ոչ աշխատանքային հայտարարելու մասին՝ աշխատավարձերի պահպանմամբ։ Այս քայլի նպատակը կորոնավիրուսի դեպքերի աճը կանգնեցնելն է։
