Նովոսիբիրսկի բենզալցակայաններից մեկում պայթյուն է տեղի ունեցել։ Ականատեսները պայթյունի պահը պատկերող տեսանյութերը հրապարակել են համացանցում, հաղորդում է РИА Новости լրատվական գործակալությունը։
Արտակարգ իրավիճակների նախարարության վերջին տվյալների համաձայն՝ 6 մարդ վիրավորվել է, նրանցից չորսը հոսպիտալացվել է այրվածքաբանության կենտրոն:
Դեպքը տեղի է ունեցել Գուսինոբրոդսկոյե մայրուղի 60 հասցեում: Հրդեհի մակերեսը 500 քմ է։ Հրշեջները մարում են կրակը:
Գործակալությունը նշում է, որ ժամանակ առ ժամանակ լսվում են գազի բալոնների պայթյունների ձայները: