Ադրբեջանը փորձում է աղավաղել տարածաշրջանի ապաշրջափակման պարտավորությունները

Ռուսաստանի փոխվարչապետ Ալեքսեյ Օվերչուկը ներկայացրել է տարածաշրջանում տնտեսական ու տրանսպորտային կապերի ապաշրջափակման ուղղությամբ եռակողմ աշխատանքային խմբի աշխատանքի մանրամասները: Նա նշել է, որ պատմության մեջ քիչ օրինակներ կան, երբ պատերազմող կողմերն այդքան կարճ ժամանակ անց նստել են բանակցությունների սեղանի շուրջ` տրանսպորտային կապերի ապաշրջափակման եւ իրենց երկրների տնտեսությունների զարգացման համար պայմաններ ստեղծելու նպատակով: Օրերս փոխվարչապետի պաշտոնակատար Մհեր Գրիգորյանը հայտարարել էր, որ աշխատանքային խմբի աշխատանքը դադարել է կապված սահմանային իրավիճակով։ Հնարավո՞ր է առանց Հայաստանի մասնակցության ռուսական և ադրբեջանական կողմերը ապաշրջափակման հարցեր լուծեն։ Թեմայի շուրջ «Առաջին լրատվական»-ը զրուցել է «Օռբելի» կենտրոնի փորձագետ Նարեկ Մինասյանի հետ: