Թուրքիայի նախագահ Ռեջեփ Թայիփ Էրդողանը հունիսի 13-ին Ստամբուլի օդանավակայանում լրագրողներին ասել է, որ կբարձրացնի Սպիտակ տան կողմից 1915 թ.-ին Օսմանյան կայսրությունում հայերի կոտորածները որպես «Ցեղասպանություն» ճանաչելու և ԱՄՆ-ի կողմից Թուրքիային F-35 կործանիչների ծրագրից հեռացնելու Անկարային բարկացրած հարցերը, հայտնում է Reuters-ը:
Թուրքիայի նախագահը, որը Բայդենի նախորդ Դոնալդ Թրամփի հետ սերտ անձնական հարաբերությունների մեջ էր, հիասթափվել է ԱՄՆ նոր վարչակազմի ավելի քննադատող և «հեռավորություն պահպանող» մոտեցումից:
«Դաշնակից երկրի նման դիրքորոշումը հայերի՝ ՆԱՏՕ-ի հետ ոչ մի առնչություն չունեցող հարցի հետ կապված, անհանգստացրել և վրդովեցրել է մեզ: Հնարավոր չէ շարունակել առանց այդ մասին հիշեցնելու (Բայդենին)», – ասել է Էրդողանը:
