«Ակնկալվում է, որ մոտ ապագայում Աբխազիան և Հարավային Օսիան կդառնան Եվրասիական տնտեսական միության լիիրավ անդամներ», – ասել է Պետդումայի ԱՊՀ գործերով, Եվրասիական ինտեգրման և հայրենակիցների հետ հարաբերությունների հանձնաժողովի փոխնախագահ Վիկտոր Վոդոլացկին՝ եռակողմ /Մոսկվա-Սուխումի-Ցխինվալի/հեռուստակամրջի ժամանակ: Միջոցառմանը մասնակցել են նաև Աբխազիայում և Հարավային Օսիայում ՌԴ դեսպանները:
Հարցին, թե երկու հանրապետությունների միջազգային ճանաչման խնդիրը կխանգարի՞ Եվրասիական տնտեսական միություն մտնելուն, ՌԴ Պետդումայի պատգամավորն ասել է, որ «միության ոչ մի անդամ պետություն դրան չի ընդդիմանա, և բոլոր անդամները շահագրգռված են միության ընդլայնման մեջ»: