Մոսկվան ողջունում է ադրբեջանական կողմից ձերբակալված 15 հայ ռազմագերիների փոխանցումը Երևանին՝ ականապատ դաշտերի քարտեզների դիմաց։ Այս մասին Telegram-ի իր ալիքում գրել է ՌԴ ԱԳՆ պաշտոնական ներկայացուցիչ Մարիա Զախարովան։
«Երկար սպասված և հրաշալի լուր։ Ողջունում ենք կողմերի նման քայլերը», – նշել է դիվանագետը։
Ավելի վաղ ՀՀ վարչապետի պաշտոնակատար Նիկոլ Փաշինյանը հայտնել էր, որ հայ ռազմագերիները վերադարձել են հայրենիք: