Tuesday, 19 03 2024
12:13
МИР քարտերի սպասարկման դադարեցում․ IDBank
12:09
Հայէկոնոմբանկի Visa Business քարտերն այժմ ավելի շահավետ պայմաններով
Երիտասարդ կինն ու տղամարդը կասկածվում են «Մեթամֆետամինի» ապօրինի շրջանառություն իրականացնելու մեջ․ նրանք կալանավորվել են
Ստոլտենբեգից հետո, Ստոլտենբերգից առաջ
Վարդենիս համայնքի սոցիալապես անապահով բնակիչներին ցուցաբերվել է առողջապահական աջակցություն
Մարզերում ևս շրջիկ առևտուրը կկանոնակարգվի
Ստոլտենբերգը ժամանեց Երևան
Բելգորոդի մարզում գնդակոծության զոհերի թիվն ավելացել է
11:30
Նավթի գներն աճել են. 18-03-24
Սիրիան հետ է մղել իսրայելական օդային հարձակումը Դամասկոսի վրա. SANA
«Мир» վճարային համակարգի քարտերը չեն աշխատի Հայաստանում. РБК
ՃՏՊ Սիսիան-Գորիս ավտոճանապարհին. կան զոհեր և տուժած
10:30
«Ադրբեջանի շահերից է բխում թույլ չտալ Պուտինի հաղթանակը»․ Ստոլտենբերգ
10:22
Միքայել Վարդանյանը Մասիսին նվիրել է 117 մլն դրամ արժողությամբ աղբահավաք մեքենաներ և 230 աղբաման
Բելգիայի Սենատում քննարկում կանցկացվի Հարավային Կովկասում իրավիճակի վերաբերյալ
ԵՄ արտգործնախարարները վերահաստատել են իրենց աջակցությունը Հայաստանին. Ստանո
ՊԵԿ-ը փետրվարին 150 հարկ վճարողի մոտ արձանագրել է ՀԴՄ կիրառման կանոնների խախտում
Ուղիղ. Ազգային ժողովի հերթական նիստը
Լուրերի առավոտյան թողարկում 10։00
Դիլիջանի ոլորանները փակ են բեռնատարների համար
4 պատճառ, թե ինչու չարձագանքել Պուտինի վերընտրությանը
Սպասվում են ինտենսիվ տեղումներ
Եթե նախկինում հնարավոր էր ընտրություն կատարել, այսօր չկա այլընտրանք, քան Եվրոպան
Արսենյանը չի ճանաչում իր գրասենյակի մոտ պայթուցիկ տեղադրելու գործով կալանավորվածներին․ մանրամասներ. «Ժողովուրդ»
Հանրահավաքը կպառակտի՞, թե՞ կմիավորի. «Հրապարակ»
Ռուսները նախազգուշացնում են՝ գենոցիդ ենք անելու
Ինչ է քննարկվել ՔՊ խմբակցության փակ նիստում. «Հրապարակ»
«Ներքին գործերի նախարարությունը 89 հատ թանկարժեք ժամացույց է գնել. «Հրապարակ»
08:30
Live. «Առաջին լրատվական» տեղեկատվական-վերլուծական կենտրոն
Մոտ 5 միլիոն դրամ՝ օրացույցների և օրագրերի համար․ ԱԺ անհիմն գնումները 2024-ի առաջին եռամսյակում. «Ժողովուրդ»

Ֆրանսիան անհանգստացրե՞լ է Քոչարյանին

Անդրադառնալով վարչապետի պաշտոնակատար Նիկոլ Փաշինյանի Ֆրանսիա կատարած այցին, երկրորդ նախագահ Ռոբերտ Քոչարյանը փաստացի մեղադրել է Ֆրանսիային, թե ինչո՞ւ են ընտրությունից քսան օր առաջ հրավիրել վարչապետի պաշտոնակատարին, եթե ընտրության արդյունքում կարող է լինել նոր իշխանություն: Երկրորդ նախագահի այդ մեղադրանքը արտառոց է, մի քանի պատճառով: Նախ, մարդը, որ հավակնում է լինել երկրում իշխանություն (մի կողմ թողնենք, թե որքան է նրա հավակնությունը ռացիոնալ և որքան է նրա հանրային վարկանիշը), փաստորեն այդ «ճանապարհին» թիրախավորում է Հայաստանի համար կարևորագույն և անգամ առանձնահատուկ երկրներից մեկին՝ Ֆրանսիային, այդ երկրի նախագահին: Այդ հանգամանքը առաջացնում է հարցեր: Կամ Ռոբերտ Քոչարյանը չունի քաղաքական համարժեքության որևէ զգացում և պատկերացում, և անգամ այդ մակարդակում է պատրաստ գործել «նպատակն արդարացնում է միջոցները» տրամաբանությամբ, կամ մտածում է, թե Ֆրանսիան չունի իր հայտարարությունները գնահատելու համարժեքություն, ինչը դարձյալ հանգեցնում է քաղաքական համարժեքության զգացումի վերաբերյալ կասկածների: Թեև, այստեղ իհարկե հարկ է հիշել, որ երկրորդ նախագահն ինքը անկեղծ խոստովանել է, որ քաղաքական գործիչ չէ: Ռոբերտ Քոչարյանը քաղաքական գործիչ չէ և չի եղել, նա ըստ էության երբեք չի էլ զբաղվել քաղաքականությամբ, իսկ պետական բարձրաստիճան պաշտոններ՝ Արցախում ու Հայաստանում զբաղեցրել է թերևս մի բանի շնորհիվ՝ Հայոց Համազգային շարժման ու դրա առաջնորդ Լևոն Տեր-Պետրոսյանի պատկերացումների, խնդիրների, ծրագրերի: Ընդ որում, հարկ է նկատել, որ դրանք, և դրանցում նաև որոշակի պահերի Ռոբերտ Քոչարյանի դերի վերապահումն ունեցել են ռացիոնալ դրվագներ, սակայն լայն իմաստով՝ Լևոն Տեր-Պետրոսյանն այդպիսով քաղաքական կարևորագույն պաշտոնի ճանապարհ է բացել մի մարդու համար, որը քաղաքականության մարդ չէ և ըստ այդմ հայտնվելով ոչ իր «ափսեում», կամա, թե ակամա, կարող է դառնալ այլ քաղաքական հմուտ ձեռքերի գործիք: Ընդ որում, դա բնորոշ է ոչ միայն Ռոբերտ Քոչարյանին, այլ ցանկացած մարդու, որը քաղաքական գործիչ չէ, սակայն իրադարձությունների բերումով հայտնվում է քաղաքական գործընթացների կիզակետում:

Իսկ այդ իրողությունը, դարձյալ անկախ անուն ազգանունից, լուրջ վտանգներ է առաջացնում հանրության ու պետության համար:

Երկրորդ նախագահ Քոչարյանը սկսած նախագահի պաշտոնից, և հատկապես այդ պաշտոնը թողնելուց գործնականում անմիջապես հետո սկսել է գուցե նույնիսկ իր կամքից անկախ, դառնալ Հայաստանի համար վտանգի աղբյուր ներկայացնող կամ վտանգ «ոռոգող» գործոն: Հակատակ պարագայում, Հայաստանի քաղաքական զարգացման պատմությունը բոլորովին այլ հունով կընթանար դեռևս նրա նախագահության շրջանից, ինչի ռացիոնալ հնարավորությունն առկա էր՝ քաղաքական մտածողության առկայության դեպքում: Վերադառնալով Ֆրանսիայի վերաբերյալ արտահայտած մտքին, դիտարկենք, որ այդօրինակ հայտարարությունը կարող է լինել ոչ միայն քաղաքական անհամարժեքության, այլ նաև քաղաքական «հուսահատության» վկայություն: Չի բացառվում, որ Փաշինյանի Ֆրանսիա կատարած այցի առումով երկրորդ նախագահը ստացել է իր համար ոչ այնքան շահեկան ազդակներ, ինչն էլ նրան հանել է հունից:

Բանն այն է, որ Ռոբերտ Քոչարյանը վերջին օրերին աչքի է ընկնում այդօրինակ բավականին կոշտ, քաղաքականապես անհամարժեք հայտարարություններով: Իհարկե դրանք բնորոշ են եղել նրան նաև նախագահության շրջանում, ըստ այդմ դժվար է խոսել նոր երևույթի մասին, բայց հատկանշական է, որ երկրորդ նախագահը վերջին շրջանում փորձում էր ներկայանալ այդ կատեգորիաներից վեր դիրքավորումով, դրսևորելով այսպես ասած բոլորովին նոր տրամաչափի գործչի հավակնություն: Եվ այն, որ նա վերադառնում է իր նախկին տրամաչափին՝ կամա, թե ակամա, հուշում է, որ իրադարձությունների զարգացումը երկրորդ նախագահի համար այդքան էլ գոհացուցիչ չէ և նա փորձում է կենտրոնանալ այն շրջանակի վրա, որը եղել է նրա նախկին տրամաչափի սպառողը, այսպես ասած եղածը չկորցնելու և առավելագույնս կոնսոլիդացնելու նկատառումով: Անշուշտ հարկ է դիտարկել նաև հնարավոր մեկ այլ վարկած, առ այն, որ Ֆրանսիայի թիրախավորումը բխում է նաև Ռուսաստանի շահից, որի շահերը Հայաստանում աներկբա ներկայացնելու բաց հանձնառությունը ստանձնել է Ռոբերտ Քոչարյանը վաղուց, ակնհայտորեն դրա հետ կապելով նաև իր քաղաքական հաջողությունը, առանձնապես չխորանալով, թե այդ հանգամանքը որքան է հակասում Հայաստանի շահին:

Բաժիններ
Ուղիղ
Լրահոս
Որոնում