Tuesday, 15 06 2021
01:00
Էրդողանը Բայդենին հայտարարել է` С-400-ի հարցում Թուրքիայի դիրքորոշումը չի փոխվել
Պուտինը խոսել է իր իրավահաջորդի մասին
00:30
ՆԱՏՕ-ն Ռուսաստանին կոչ է արել ԱՄՆ-ին և Չեխիային հանել ոչ բարեկամական երկրների ցուցակից
00:15
ՆԱՏՕ-ն առաջին անգամ համաձայնեցրել է կլիմայի պաշտպանության հարցով գործողությունների ծրագիր
Մերձմոսկովյան շրջանում կորոնավիրուսային նոր սահմանափակումներ են մտցվել դեպքերի աճի պատճառով
Ռոսպոտրեբնադզորն անվանել է կորոնավիրուսի նոր շտամների հիմնական փոխանցողներին
Եթե Փաշինյանը Հանրապետության հրապարակում շատ մարդ հավաքի, Քոչարյանի մտադրություններն ի դերև կլինեն
23:15
Բրյուսելում հանդիպել են Լեհաստանի և ԱՄՆ-ի նախագահները
Զինադադարից հետո մինչ օրս հայտնաբերվել է 1576 աճյուն
Նովոսիբիրսկի գազալցակայանի պայթյունից տուժածների թիվն ավելացել է
Հրդեհ Երևանի բնակելի շենքերից մեկում
22:30
Բայդենի և Էրդողանի միջև անհարմար պահ է ստեղծվել ողջույնի ժամանակ
Մալաթիա Սեբաստիայում այսօր ընտրակաշառք բաժանելու փորձով առաջին ձերբակալությունն է տեղի ունեցել. Նիկոլ Փաշինյան
Հայ եկեղեցականները պետք է լինեն այնտեղ, որտեղ ժողովուրդն է․ Բաբաջանյան
«Քաղաքացու որոշում» կուսակցությունը հարթակ և խոսափող է տեղադրել Երևանի տարբեր հատվածներում
Չենք կարող թույլ տալ, որ Հայաստանի հարցերը քննարկվեն առանց Հայաստանի․ Բաբաջանյան
Պայթյուն Նովոսիբիրսկի բենզալցակայաններից մեկում․ ականատեսները ֆիքսել են պայթյունի պահը
Բաբաջանյանը մի քանի փաստ ներկայացրեց, թե Քոչարյանը պաշտոնավարման ավարտից հետո ինչքան հարստություն է կուտակել
Ռուսական Sputnik V պատվաստանյութն արդեն Թուրքիայում է
Օսլայած ժիլետներով ժողովրդի առաջ ծամածռություն անողը իր խորհուրդներով թող ռադ լինի երկրից․ Բաբաջանյան
21:55
Բրիտանիան կարող է հետաձգել կորոնավիրուսային սահմանափակումների չեղարկումը
Հունիսի 20-ին մեզ վիճակված է պաշտպանել ժողովրդավարությունն ու ժողովրդի իշխանությունը
Էրդողանը հայտարարել է, որ Թուրքիան չի զգում դաշնակիցների աջակցությունը ահաբեկչության դեմ պայքարում
Սա ընտրություն է Հայաստանի ու կայսրության միջև․ Արման Բաբաջանյան
Արտակարգ պատահար Հայաստանում․ կա 7 վիրավոր
ՔՊ-ի քարոզարշավի 8-րդ օրն ավարտվեց Երևանում Նիկոլ Փաշինյանի գլխավորությամբ երթով
«Եթե վաճառում ես ձայնդ, ուրեմն վաճառում ես կյանքդ եւ ապագադ». Ռուբեն Բաբայան
Ադրբեջանը փորձում է աղավաղել տարածաշրջանի ապաշրջափակման պարտավորությունները
Պուտինն ասել է՝ միջազգային գործերում որն է ամենակարևորը
Կարեն Կարապետյանը պարզապես վարձահատույց է լինում Քոչարյանին ծառայությունների դիմաց

Հայաստանյան եպիսկոպոսները հանդես են եկել հայտարարությամբ ներքաղաքական զարգացումների վերաբերյալ

Ն․Ս․Օ․Տ․Տ․ Գարեգին Բ Ամենայն Հայոց Կաթողիկոսի գլխավորությամբ հունիսի 10-ին Մայր Աթոռ Սուրբ Էջմիածնում տեղի է ունեցել Հայաստանի եպիսկոպոսների խորհրդակցություն, որի ընթացքում շոշափվել են մեր հայրենական կյանքի ներկա իրավիճակին առնչված հարցեր:

Ինչպես հայտնեցին Մայր Աթոռի տեղեկատվական համակարգից, խորհրդակցության ավարտին ընդունվել է հետևյալ հայտարարությունը․

«Քննարկելով մեր հայրենիքի ու ժողովրդի առջև ծառացած մարտահրավերները՝ խորը մտահոգություն ենք հայտնում Հայաստանի ներքաղաքական կյանքում, արտահերթ խորհրդարանական ընտրությունների այս շրջանում արձանագրվող մի շարք դատապարտելի երևույթների առնչությամբ։

Հունիսի 7-ին մեկնարկած նախընտրական քարոզարշավի առաջին իսկ օրից տեղ գտած ատելության խոսքը, վարկաբեկիչ և վիրավորական արտահայտությունները, հայհոյելու, հաշվեհարդարներով ու բռնությամբ սպառնալու վարքագիծը, ցավոք, մեր հասարակությանը կարող է կանգնեցնել այնպիսի կացության առջև, որի ահագնացման պարագայում անխուսափելի պիտի դառնան անհանդուրժողության, ատելության և թշնամանքի հողի վրա քաղաքացիական բախումները։ Արդարացում չունեն և դատապարտելի են բոլոր այն քայլերը, որոնք պառակտում և բևեռացնում են պատերազմի ցավերը դեռ չամոքած մեր հասարակությանը։ Անառարկելի ճշմարտություն է՝ չար սերմը երբեք չի կարող բարի պտուղ տալ, և ինքն իր մեջ բաժանված ամեն տուն՝ կանգուն մնալ (հմմտ․ Մատթ․ ԺԲ 25)։

Նժարի վրա է դրված հայրենիքի ապագան։ Հարկ է հայրենասիրություն, նախանձախնդրություն ու հետևողականություն դրսևորել հայրենիքի շուրջ մեր ժողովրդի միասնական տեսլականի ձևավորման գործում, որպեսզի յուրաքանչյուրը պատիվ համարի խոնարհվելը այդ տեսլականի իրագործման լծի ներքո։ Դա է նվազագույն գինը, որ կարող ենք վճարել բոլոր ժամանակների մեր նահատակ զավակների անձնազոհության դիմաց։ Այս գիտակցությունը պետք է գերակայի մեր երկրում և ուղիներ հարթի առկա խնդիրների հաղթահարման։

Այսու կոչ ենք անում բոլոր քաղաքական ուժերին, այդ թվում հատկապես իշխող կուսակցությանը, զերծ մնալու անպատշաճ խոսվածքից ու պահվածքից։ Բազմադարյա հարուստ մշակույթ և բարձր արժեքներ կերտած մեր ժողովրդին անհարիր են այդպիսի դրսևորումները, որոնք նսեմացնում են մեր ազգային նկարագիրն ու վարկը։ Մի՛ եղեք չարի սերմնացաններ և անընդունելի վարքագծով գայթակղություն մի՛ դարձեք քրիստոնյա մեր ժողովրդի համար։

Աղոթում ենք, որ Տերը Իր Սուրբ Աջի հովանու ներքո խաղաղության մեջ պահի մեր երկիրը՝ պարգևելով իմաստություն համայն մեր ժողովրդին՝ սիրո և համերաշխության մթնոլորտում արարելու իր վաղվա օրը»։

Բաժիններ
Ուղիղ
Լրահոս
Որոնում