Աֆղանական «Թալիբան» ծայրահեղական շարժումը Թուրքիայից պահանջել է դուրս բերել իր զորքերը ՆԱՏՕ-ի անդամ այլ երկրների հետ: Այս մասին հայտարարել է «Թալիբան» շարժման ներկայացուցիչ Սուխեյլ Շահինը:
«Որպես ՆԱՏՕ-ի անդամ ՝ Թուրքիան պետք է իր զորքերը դուրս բերի Աֆղանստանից՝ հիմք ընդունելով այն համաձայնագիրը, որը մենք ստորագրել ենք Միացյալ Նահանգների հետ 2020 թվականի փետրվարի 29-ին»,- ուրբաթ օրը Շահինին մեջբերել է աֆղանական TOLO News հեռուստաալիքը: «Եվ այսպես, Թուրքիան մեծ մահմեդական երկիր է, Աֆղանստանը պատմական կապեր ունի նրա հետ։ Հուսով ենք, որ Թուրքիայի հետ սերտ և լավ հարաբերություններ կունենանք ապագայում մեր երկրում նոր իսլամական կառավարության ստեղծումից հետո»:
«Թալիբան»-ն արձագանքել է Աֆղանստանից ՆԱՏՕ-ի զորքերի դուրսբերումից հետո Թուրքիայի՝ Քաբուլի օդանավակայանն իր զինված ուժերով հսկողությունն ապահովելու վերջին առաջարկին: Ըստ Reuters-ի՝ Անկարան Վաշինգտոնին այդ առաջարկն արել է այս տարվա մայիսին ՆԱՏՕ-ի պաշտպանության նախարարների հանդիպմանը, երբ ԱՄՆ-ն ու նրա դաշնակիցները քննարկել են Աֆղանստանից զորքերը դուրս բերելու ծրագիրը:
Թուրքական առաջարկի քննարկումը նախատեսվում է շարունակել հաջորդ շաբաթ՝ ՆԱՏՕ-ի գագաթնաժողովի ընթացքում: