Sunday, 13 06 2021
01:38
Եվրո-2020. Բելգիացիները ջախջախեցին ռուսներին
Հեղափոխության երկրորդ արարն է․ սևերի համակարգը պետք է վերջնական նետել պատմության աղբանոցը
Հունիսի 18-ին նախատեսված հանրահավաքը չի չեղարկվել, այդ լուրերը կեղծ են․ «Քաղաքացիական պայմանագիր»
00:00
Սննդաբանը պատմել է, թե ինչպես ճիշտ սնվել՝ չհրաժարվելով ձեր սիրելի ուտեստներից
ՀՀ կառավարությունը շնորհակալություն է հայտնում ԱՄՆ նախագահի վարչակազմին և Վրաստանի կառավարությանը գերիների վերադարձի գործընթացին միջնորդելու համար
Հանրայինը դիմում է ԿԸՀ, ՀՌՀ, ՄԻՊ՝ հրատապ արձագանքի համար
Վրաերթի հետևանքով «Սուրբ Աստվածամայր» ԲԿ տեղափոխված 6-ամյա տղան մահացել է
ԿԸՀ֊ն Ռուբեն Խլղաթյանին կալանավորելու թույլտվություն է տվել
23:00
Մուկորմիկոզը՝ որպես կորոնավիրուսային հիվանդության հետևանք
Մենք Ադրբեջանին ականապատ տարածքների քարտեզներ ենք տվել․ Փաշինյան
22:45
ԱՄՆ-ն կոչ է անում վերադարձնել բոլոր գերեվարվածներին. Պետքարտուղարի հայտարարությունը
Գերության մեջ գտնվող 15 հայորդիները Հայաստան են վերադարձել ԱՄՆ-ի, ԵՄ-ի և Վրաստանի ջանքերի շնորհիվ
Հայկական կողմի մոտ կան եւ շարունակում են մնալ 100,000-ավոր ականների ականապատման քարտեզներ. Տարոն Չախոյան
Փաշինյանը Գավառի հանդիպումը ավարտեց երթով
Ժամանակի ընթացքում պարզ կդառնա, կտեսնենք՝ հերոսն ով է, շան տղերքն՝ ովքեր․ Գնել Սանոսյան
22:15
Սաուդյան Արաբիան թույլատրել է ամենամյա հաջ իրականացնել միայն 60 հազար մուսուլմանի
Նախկին գողեր ու ավազակներ, չե՛ք գալու պաշտոնի, դա ես եմ ասում. Խաչատուր Սուքիասյան
Այն, ինչ անում են որոշ անպատիվներ անընդունելի է, ուժեղ չի նշանակում մաֆիոզ․ Բաբաջանյան
22:04
Քաբուլում որոտացած պայթյուններն առնվազն հինգ մարդու կյանք են խլել
Եթե որոշել եք սպանել ժողովրդի իշխանությունը, նախ մեզ պիտի սպանեք. Բաբաջանյան
Նախկինների հովանու տակ ծվարած որոշ սոցիոլոգներ տվյալներ են հրապարակում, որը աղերս չունի իրականության հետ
Եվրախորհրդի ղեկավարը ողջունել է Հայաստանի և Ադրբեջանի գործողությունները
Երկար սպասված և հրաշալի լուր․ Զախարովան՝ 15 հայ ռազմագերիների՝ հայրենիք վերադարձի մասին
Պետական համակարգում ունեցանք դավաճաններ․ նրանք դավաճանեցին ազգին, ոչ թե Փաշինյանին․ Հայկ Սարգսյան
Փաշինյանը հրապարակել է վերադարձող գերիների ամբողջական ցանկը
Կրեմլի համար սա Հայաստանում իր դիրքերը փրկելու վերջին հնարավորությունն է
Քրեական տարրեր են բերվում Հայաստան սեփական ժողովրդի դեմ պատերազմ հրահրելու համար․ Բաբաջանյան
21:30
Կանադան և Ֆրանսիան հայտարարել են, որ կօգնեն աշխարհին դուրս գալ ճգնաժամից G7 և G20 մակարդակներում
Ժամանակին մի երևույթ՝ Գեղարքունիքի մարզը համարել էր կույրաղիք․ Նարեկ Գրիգորյանը՝ Քոչարյանի մասին
Քարոզարշավի բառապաշարը սպասելի էր. մարդիկ ամբողջովին բացահայտվում են

Սա հերթական արտահերթ ընտրությունն է, որից հետո կլինեն էլի արտահերթ ընտրություններ

Freedom House միջազգային իրավապաշտպան կազմակերպությունը հայտարարել է, որ կիսում է Հայաստանի ՄԻՊ-ի մտահոգությունները նախընտրական շրջանում հայաստանյան քաղաքական գործիչների կողմից օգտագործվող բռնություն ու ատելություն պարունակող խոսքի հետ կապված:

Freedom House-ի բնորոշմամբ՝ սա նպաստում է կործանարար բևեռայնացմանն ու ատելության խոսքի տարածմանը, քանի դեռ Հայաստանը վերականգնվում է Լեռնային Ղարաբաղի պատերազմից ու պատրաստվում է պատմական խորհրդարանական ընտրություններին:

Այս խնդրի առնչությամբ Հելսինկյան քաղաքացիական ասամբլեայի Վանաձորի գրասենայկի ղեկավար Արթուր Սաքունցը «Առաջին լրատվական»-ի հետ զրույցում նշեց. «Միանշանակ է, որ քարոզչությունն ընթանում է այնպիսի բառապաշարով, որ հանրության կողմից քաղաքական գորըծընթացների մասնակցության մակարդակը ծրագրային, բովանդակային խնդիրներից իջեցվում է մինչև կենցաղային մակարդակի և նպաստում լյումպենացմանը: Սա տխուր պատկեր է, որովհետև մենք ակնկալում ենք, որ այն մարտահրավերները, որն ունի Հայաստանը պատերազմից հետո ՝ անվտանգային, ժողովրդավարության, մարդու իրավունքների,  պետության զարգացման և հետագա գոյատևման հետ կապված, դրանց լուծման մեթոդների, մեխանիզմների ուղղությամբ պետք է գնար բանավեճը, քննարկումը: Դա են ակնկալում քաղաքացիները: Հանրությանը պետք չի ներկայացնել, թե ինչ խնդիրներ ունենք, պետք է ասել, թե ինչպես են լուծվելու դրանք և ով ինչ առաջարկներ ունի:
Ցավոք սրտի, այդ հարթության մեջ չի տեղի ունենում հանրային խոսքը, ու դա շատ մտահոգիչ է: Մտահոգիչ է նաև, որ ատելության խոսքը շեղում է բուն օրակարգային հարցերից: Քաղաքացիները պետք է  ընտրություն կատարեն ոչ թե նայելով, թե ով ում խոսքով հաղթեց, ով ավելի շատ կարող է դիմացինին վատ վիճակի մեջ դնել  այդ բառապաշարի տեսակետից, այլ գաղափարական, բովանդակային մոտեցումներով: Սա հեռացնում է հանրությանը բովանդակային ընտրություն կատարելուց»:

Նրա խոսքով, երկար ժամանակ քաղաքական համակարգը գտնվել է կաղապարների մեջ, և այն փաստը, որ 25 ուժեր են առաջադրվել, խոսում է այն մասին, որ գործող իշխանությունները, այն նույն մեթոդները չեն կիրառում, ինչ նախկինները:. «Նախկինում իշխանությունից բացի այլ կուսակցությունները առաջադրվում էին նախնական պալատական և գրասենյակային համաձայնությունների արդյունքում: Եզակի դեպքերը, որոնք համաձայնություններից դուրս էին, ենթարկվում էին հետապնդումների, կամ էլ համակարգային ընդդիմության կարգավիճակում էին գտնվում: Սա կարծես առաջին ընտրությունն է, երբ նման վերահսկողություն քաղաքական գործընթացների նկատմամբ իշխանության կողմից չկա: Սա ազատության մասին է խոսում: Բայց սա այնպիսի ազատություն է, որը բնորոշ է երկար ժամանակ պարփակված վիճակում գտնված  և ազատության մեջ հայտնվածներին, երբ քաղաքակիրթ քաղաքական մշակույթը չունեն:

Մյուս կողմից, սրան նպաստում է այն մոտեցումը, որ իբր իշխանությունը գտնվում է փողոցում և ով ասես, կարող է վերցնել: Նախկինները, որոնք մնացին անպատիժ, բայց զգացին, որ հեղափոխական փոփոխությունները վտանգում են իրենց գոյությունը, նրանք ամեն քայլի դիմելու են, որ այս ընտրությունն օգտագործեն իրենց ռեինկարնացիայի համար»,-ասաց Արթուր Սաքունցը:

Նա ցավով նկատեց, որ այս վարքագիծն իր  ազդեցությունն ունենում է գործընթացների վրա, և իշխանությունը, որը պետք է համակարգային փոփոխություններ կատարեր, որպեսզի խոսույթը այս պայմաններում ունենար բոլորովին այլ բովանդակություն, այդ վարքագիծը նրա մոտ առաջացնում է էմոցիոնալ պոռթկում և դրանով է պայմանավորված, որ փորձ է արվում նման հռետորաբանությամբ լրացնել իր չարածը:

«Կրկնեմ, որ սա երկար ժամանակ ավտորիտար կառավարման, մեր կառավարման համակարգի չկայացած լինելու  հետևանքն է: Այսպիսի իրավիճակ կար անկախությունից հետո, երբ խորհրդային ռեժիմից հետո տեղի ունեցան առաջին ընտրությունները: Այդ ժամանակ էլ շատ մեծ թվով ուժեր էին ներգրավված: Բայց մեր ավտտորիտար ուժերը նույնիսկ գերազանցեցին Խորհրդային ռեժիմին կոռումպացվածության մակարդակով»,-ընդգծեց Սաքունցը:

Նա բացառեց, որ կարող է բանը հասնել քաղաքացիական պատերազմի. «Չի լինի նման բան, որովհետև ՀՀ-ում քաղաքացիներն իրենց մեծամասնությամբ շատ ավելի պատասխանատու են երկրի ճակատագրի հանդեպ, քան որոշ քաղաքական ուժեր: Բայց որ փորձ կանեն թեժացնել և պղտոր ջրում ձուկ բռնելուն ուղղված քայլեր կլինեն, դա միանշանակ է: Ես խիստ կասկածում եմ, որ իրենք որևէ արդյունք կունենան, ինչպես օրինակ աջակցություն չստացան այն մարդիկ և ուժերը, որոնք նոյեմբերի 9-ի գիշերը հարձակվեցին պետական շենքերի վրա:

Այն մեթոդները, որոնք փորձեցին կիրառել՝ շահարկելով խնդիրները, զուտ իրենց իշխանատենչության համար, դա աջակցություն չստացավ քաղաքացիների կողմից: Սա պետք է հստակ դաս լինի որոշ ուժերի համար:Այստեղ նաև իշխանությունն իր պատասխանատվությունն ունի այն առումով, որ պետք է բավական լուրջ վերանայի իր գործելաոճը, վստահի ՀՀ քաղաքացիներին, որը երբեք տուրք չի տա արկածախնդրությանը և չգնա այդ սադրանքներին, չօգտագործի այն բառամթերքը, որ հիմա օգտագործում է»:

Արթուր Սաքունցը համոզմունք հայտնեց, որ հունիսի 20-ի ընտրությունները վերջին արտահերթ ընտրությունը չի լինելու. «Սա հերթական արտահերթ ընտրությունն է, որից հետո կլինեն էլի արտահերթ ընտրություններ: Մենք գտնվում ենք ժողովրդավարության կայացման ցավոտ գործընթացի մեջ և ձևավորվում է նաև քաղաքական մշակույթը, քաղաքական համակարգը, քաղաքական բառապաշարը: Միշտ էլ հետավտորիտար ժամանակահատվածում, հեղափոխությունից հետո գործընթացներն ունեցել են նման դրսևորումներ, սա անխուսափելի է: Բայց Հայաստանն այսօր ունի այնպիսի լուրջ մարտահրավերներ, որ կուզենայինք տեսնել բոլորովին այլ բովանդակության ու մակարդակի մրցապայքար»,-ընդգծեց նա:

 

 

 

 

 

Բաժիններ
Ուղիղ
Լրահոս
Որոնում