ԱՄՆ-ի Կոնգրեսի Սենատում անհաջողությամբ ավարտվեց այն օրինագծի ընդունման հասնելու հերթական փորձը, որը նպատակամղված Է երկրում հրազենի վաճառքի սահմանափակմանը: Հունիսի 9-ին այդ մասին հայտնել Է Politico թերթը:
Երկու կուսակցությունների ներկայացուցիչները չեն կարողացել փոխզիջման հասնել օրինագծի ձեւակերպման շուրջը եւ դադարեցրել են բանակցությունները: «Մենք չկարողացանք համաձայնության գալ օրինագծի շուրջը, որը կհանգեցներ հրազեն գնողների ինքնության ստուգումների թվի զգալի ավելացման»,- հայտարարել Է դեմոկրատ սենատոր Քրիս Մերֆին, որը գլխավորել Է այդ հարցի շուրջը բանակցությունները Հանրապետական կուսակցության ներկայացուցչի հետ:
«Չնայած հասարակայնության կողմից այդ ուղղումերի ճնշող պաշտպանությանը, օրինագծերի քննարկման (երկրում) գործող կարգը, որը թույլ Է տալիս դրանց ձգձգումը, պահանջում Է հանրապետականների պաշտպանությունը զենքի վաճառքի վերահսկողության ցանկացած առաջարկի առաջմղման համար»,- նշում Է Politico-ն: ԱՄՆ-ի նախագահ Ջո Բայդենը հանդես Է գալիս հրազենի վաճառքի օրենսդրության խստացման օգտին: Երկու համապատասխան օրինագծերի մարտ ամսին հավանություն Է տվել Կոնգրեսի Ներկայացուցիների պալատը, որը վերահսկում են դեմոկրատները: Բայց դրանք մինչ օրս չեն անցել Սենատով, հաղորդել Է ՏԱՍՍ-ը:
