Հնդկաստանում վերջին օրվա ընթացքում գրանցվել է COVID-19-ի պատճառով մահվան ռեկորդային դեպք. մահացել է 6 148 մարդ: Այս մասին հունիսի 10-ին հայտարարել է Հնդկաստանի Առողջապահության նախարարությունը:
Նախարարության տվյալներով՝ մարտից, երբ երկրում համավարակ է սկսվել, 29,1 միլիոն մարդ հիվանդացել է կորոնավիրուսով, ավելի քան 27,6 միլիոն մարդ ապաքինվել է, ավելի քան 359 հազարը՝ մահացել:
Դեպքերի թվի կտրուկ աճը կապված է Բիհար նահանգում COVID-ով մահվան դեպքերի վերահաշվարկի հետ, որտեղ բժիշկները հայտնաբերել են ևս 3 951 մահ՝ համավարակի առաջին ալիքի ընթացքում, որը սկսվել էր փետրվարին: Այսպիսով, Բիհար նահանգը Հնդկաստանի մյուս նահանգների շարքում մահացության մակարդակով բարձրացել է 17-րդ տեղից 12-րդ տեղը: Հետաքննությունը սկսվել է այն բանից հետո, երբ Պատնայի Գերագույն դատարանը որոշել է վերանայել տվյալները այն ֆոնին, երբ լրատվամիջոցները պնդում էին, որ տեղական կառավարությունը թաքցնում է համավարակի ընթացքում մահացածների թիվը:
Այնուամենայնիվ, հիվանդության դեպքերի աճը երրորդ օրն անընդմեջ կազմում է 100 հազար մարդուց պակաս:
