Ռուսաստանի Դաշնության նախագահ Վլադիմիր Պուտինի և Միացյալ Նահանգների նախագահ Ջո Բայդենի բանակցությունները կկայանան Ժնևի «Լա Գրանժ» առանձնատանը։ Այս մասին հայտնում է РИА Новости լրատվական գործակալությունը՝ հղում անելով Շվեյցարիայի արտաքին գործերի նախարարությանը։
Կրեմլում այդ տեղեկությունը հաստատել են։
«Շվեյցարիան շնորհակալություն է հայտնում երկու երկրներին՝ հանդիպման ընտրության հարցում Ժնևին տրված վստահության համար», – նշված է Շվեյցարիայի արտաքին գերատեսչության Twitter-յան գրառման մեջ։
https://twitter.com/SwissMFA/status/1402866434372419584?ref_src=twsrc%5Etfw%7Ctwcamp%5Etweetembed%7Ctwterm%5E1402866434372419584%7Ctwgr%5E%7Ctwcon%5Es1_&ref_url=https%3A%2F%2Fwww.shantnews.am%2Fnews%2Fview%2F928338.html
«Լա Գրանժ» զբոսայգին զբաղեցնում է 200 հազար քառ. մետր տարածք։ Զբոսայգում են գտնվում բավական մեծ տարիքի ծառեր, Ժնևի ամենամեծ վարդի այգին, լիճ, երկու թատրոն և խաղահրապարակ։ Զբոսայգում է գտնվում 18-րդ դարում կառուցված «Լա Գրանժ» առանձնատունը։
ՌԴ և ԱՄՆ ղեկավարների հանդիպումը տեղի կունենա հունիսի 16-ին։ Ակնկալվում է, որ կողմերը կքննարկեն ռազմավարական կայունության հարցերը, համավարակի դեմ պայքարը, միջազգային և տարածաշրջանային հակամարտությունները։
