Ադլերում տղամարդը սպանել է 2 հարկադիր կատարողի, սպանողն ու մահացածները հայեր են. ԶԼՄ

Ռուսաստանի Կրասնոդարի երկրամասի Սոչի քաղաքում գտնվող Ադլեր միկրոշրջանում տղամարդը երկու հարկադիր կատարողի է սպանել։ Այս մասին հաղորդում է Sputnik Արմենիա-ն՝ հղում անելով ռուսական լրատվամիջոցներին ու Telegram-ալիքներին։

Այսպես, «Baza»-ի տվյալներով՝ սպանվել են 35-ամյա Անդրոնիկ Մակիվասյանը և 36-ամյա Ալբերտ Ազյազյանը (դատելով ազգանուններից՝ էթնիկ հայեր)։ Նրանք գնացել են տղամարդու տուն, քանի որ նրա տունը պետք է դատարանի որոշմամբ ապամոնտաժվեր։ Տղամարդը դիմավորել է զենքով ու կրակ բացել։

«112» Telegram-ալիքը հայտնում է նաև հանցագործի անունը՝ 61-ամյա Վարդան Քոչյան, որը նույնպես հայ է։