Հայաստան է ներմուծվելու ևս երկու նոր էլեկտրագնացք: Գյումրիում հանրահավաքի ժամանակ այս մասին ասաց «Քաղաքացիական պայմանագիր» կուսակցության վարչության նախագահ, Տարածքային կառավարման և ենթակառուցվածքների նախարարի պաշտոնակատար Սուրեն Պապիկյանը:
«Մասնակցել եմ «Հարավկովկասյան երկաթուղի» ընկերության միջոցառմանը: Ընդունել ենք 27 գերժամանակակից վագոններ, որոնք համալրել են Հարավկովկասյան երկաթուղու ունեցած շարժակազմերը: Եվս երկու էլեկտրագնացք առաջիկայում ներմուծվելու է Հայաստան: Այն ոչ միայն լինելու է Երևան-Բաթում ուղղությամբ աշխատող գնացք, այլև պետք է ամեն ինչ անենք, որ այդ գնացքը սպասարկի նաև Գյումրի- Բաթում, Գյումրի-Թբիլիսի ուղղություններով: Ու ոչ միայն Հայաստանի զբոսաշրջիկները պետք է գնան այնտեղ հանգստանալու, այլ նաև հարևան երկրից պետք է գան Հայաստանում` Գյումրիում հանգստանալու»,- ընդգծեց Պապիկյանը:
