Ուկրաինան ունի բոլոր անհրաժեշտ գործիքները ՆԱՏՕ-ին անդամակցելու համար, բայց ՆԱՏՕ-ի ոչ բոլոր անդամներն են պատրաստ քվեարկել նրան Գործողությունների ծրագիր տրամադրելու համար, երեքշաբթի՝ հունիսի 8-ին, Սենատի արտաքին հարաբերությունների հանձնաժողովի լսումների ժամանակ ասել է ԱՄՆ պետքարտուղար Էնթոնի Բլինկենը:
«Մենք աջակցում ենք Ուկրաինայի անդամակցությանը ՆԱՏՕ-ին: Այն ներկայումս ունի բոլոր գործիքները, որոնք անհրաժեշտ են Դաշինքին անդամակցելու համար»,- ասել է պետդեպարտամենտի ղեկավարը:
Այնուամենայնիվ, ըստ նրա, կազմակերպության ոչ բոլոր անդամներն են պատրաստ քվեարկել Կիևին անդամակցության ձեռքբերման գործողությունների ծրագիր տրամադրելու համար:
«Անդամակցություն ստանալու համար գործողությունների ծրագիրը պետք է մշակվի ՆԱՏՕ-ի անդամ բոլոր երկրների լիակատար համաձայնությամբ: Կարծում եմ, որ որոշ երկրներ այժմ դրան ավելի քիչ են աջակցում, քան մյուսները»,- խոստովանել է Բլինկենը:
