Թեև իրավապահ մարմինները ընտրակաշառքի մասին որևէ կոնկրետ ահազանգ դեռ չեն ստացել, սակայն քաղաքական որոշ ուժեր, հատկապես Ռոբերտ Քոչարյանի գլխավորած «Հայաստան» դաշինքը ակտիվորեն լծվել է ընտրակաշառք բաժանելու գործին։ Ընդ որում՝ ընտրակաշառքը բաժանելը տարբեր դրսևորումներ ունի։
Շատերին գումարի խոստում է տրվում, իսկ գումարը խոստանում են վճարել ընտրությունից հետո, երբ ընտրողը քվեախցիկից կհանի իշխանական ուժի քվեաթերթիկը, շատերին առձեռն փող են բաժանում։ Այսօր մեզ պատմեցին, որ Քոչարյանի թիմը տարբեր մարզերում մինչև 1-1.5 միլիոն դրամ վարկեր ունեցող քաղաքացիների վարկերը մարում են՝ փոխարենը յուրաքանչյուրից պահանջելով 50-ական ձայն՝ ցուցակագրված, անուն-ազգանուններով և անձնագրային տվյալներով։
