Չինաստանը համեմատել է կորոնավիրուսի արհեստական ծագման մասին արևմտյան մեղադրանքները Իրաքում զանգվածային ոչնչացման զենքի պնդումների հետ: Այս կարծիքը Twitter-ում հայտնել է ԱՄՆ-ում Չինաստանի դեսպանության մամուլի քարտուղար Լյու Պենյուն:
Նա նշել է, որ COVID-19-ի ծագումը գիտության խնդիր է և այն պետք է համատեղ ուսումնասիրեն աշխարհի գիտնականները, այլ ոչ թե քաղաքականացնեն:
«Ցանկացած եզրակացություն պետք է արվի համաձայն ԱՀԿ ընթացակարգերի և ապացույցների վրա հիմնված մեթոդների: Կորոնավիրուսի ծագման ուսումնասիրությունը քաղաքականացնելու արշավը և Չինաստանի դեմ մեղադրանքները ոչնչով չեն տարբերվում այն կեղծիքից, որ Իրաքը 12 տարի առաջ ունեցել է զանգվածային ոչնչացման զենք»,- գրել է Պենյուն:
Հիշեցնենք, որ ավելի վաղ ԱՄՆ նախկին պետքարտուղար Մայք Պոմպեոն ասել էր, որ կան բազմաթիվ ապացույցներ կորոնավիրուսի արտահոսքի մասին Չինաստանի Ուհան քաղաքի լաբորատորիայից:
Իսկ պետդեպարտամենտի ներկայիս ղեկավար Էնթոնի Բլինկենը ասել է, որ ամբողջ աշխարհը և հատկապես Չինաստանը պետք է շահագրգռված լինեն պարզելու, թե որտեղից է եկել COVID-19-ը։