Ֆրանսիայում անհայտ անձը ապտակել է Էմանուել Մակրոնին

Անհայտ անձը հարվածել Ֆրանսիայի նախագահ Էմանուել Մակրոնի դեմքին։ Միջադեպը տեղի է ունեցել պետության ղեկավարի Դրոմի դեպարտամենտ կատարած այցի ժամանակ:

Սոցիալական ցանցերում տարածված տեսանյութում երևում է, որ Ֆրանսիայի ղեկավարը մոտենում է իրեն սպասող մարդկանց, բռնում է տղամարդկանցից մեկի ձեռքը, սակայն վերջինս մյուս ձեռքով ապտակում է նախագահին:

Դրանից հետո անվտանգության աշխատակիցները միջամտել են։ Ոստիկանությունը բերման է ենթարկել երկու մարդու:

Ֆրանսիացի քաղաքական գործիչները դատապարտել են կատարվածը և այն բնորոշել ֆիզիկական ագրեսիա պետության ղեկավարի դեմ: