Կանադայի ԱԳՆ-ը Ռուսաստանի կողմից երեկ ընդունված պատժամիջոցներն ընդդեմ իր 9 քաղաքացիների համարում է անհիմն և անընդունելի։
«Մեզ հայտնի է Ռուսաստանի որոշման մասին՝ արգելելու 9 կանադացիների մուտքը Ռուսաստան՝ ի պատասխան պատժամիջոցների, որոնք սահմանել էր Կանադան մարտի 24-ին։ Ռուսաստանի պատժամիջոցներն ընդդեմ Կանադայի քաղաքացիների, այդ թվում կառավարության անդամների, անընդունելի են և անհիմն»,-ՏԱՍՍ-ը մեջբերում է կառավարության հայտարարությունը։
Ցուցակում են հայտնվել արդարադատության նախարար և գլխավոր դատախազ Դևիդ Լամետին, ազգային պաշտպանության փոխնախարար Ջոդի Թոմասը, ԶՈւ հետախուզական վարչության պետ Սկոտ Բիշոփը և այլք։
Մարտի 24-ին Կանադան պատժամիջոցներ էր սահմանել ռուս 9 պաշտոնյայի նկատմամբ՝ բլոգեր Ալեքսեյ Նավալնիի շուրջ ստեղծված իրավիճակի պատճառով։